الأحداث الجديده عطوني رايكم فيها

انصحك وانااختك لاتفكرين بشغاله دام زوجك راعي خرابيط بجيبين لنفسك نفسيه وتكرهين اليوم الي دخلت عليك فيه واصبري علئ زوجك وخلي عيالك اكبرهمك وكثري من الاستغفار

استخيري الله في أمرك ثم شاوري الناس
وحكمي عقلك وش يقول لك عقلك!
واستعيني بالله وأكثري من الإستغفار والصلاة على النبي
اللهم صلّ وسلّم وبارك على نبينا محمد
أستغفر الله الذي لا إله إلا هو الحيّ القيوم وأتوب إليه


واقرأي قران ترااااااااه راحة نفسيه ويطمنك وبتفكرين صح


الله يكتبلك اللي فيه الخير لك ولأطفالك

حاسه فيك وحاسه بكل كلمه كتبتيها
بس جلستي مع نفسك وسألتي نفسك كيف بتعيشين كيف بتتقبلين الحياه مع اهلك اهلك بيصبرون على عيالك الفلوس هل بتكفيكم كيف بتربين عيالك لوحدك كيف بيكون تصرفك لو صار لك امر طارىء حطيتي كل الاحتمالات الاجابيه والسلبيه لازم تحسبين حساب لكل شي الطلاق والله ماهو شي سهل كلمه تنقال وتمشي حاولي تبذلين اخر جهودك وحاولين زي ماقلت لك نظمي وقتك وعدلي من شكلك اصبغي وتكشخي وتظبطي وطنشيه كأنه ماهو موجود وتدلعي بكلامك واذا جاء يلمسك زي ماقالو البنات قولي حلل من الايدز والسيلان والهربس انا اخاف على نفسي وماتدرين ممكن بموقف او شي يتغير
لاتيأيسين أدعي الله بصدق ويقين ان الله يبدل حياتك من جحيم الى نعيم
وأسأل الله العظيم رب العرش العظيم ان يبدل حياتك من أسوأ الى احسن وان يهدي زوجك ويصلحه ويرده لطريق الصواب

الله يفرج همك ويفتحها بوجهك انا ماقدر اعطيك حل سحري بين يوم وليله يخلي تراكمات ١٢سنه تختفي لاكن اعطيك بعض الحلول واسال الله ان تكون سهله لك
اول شي انتي تقولي مسافر الحين !
١/ارجعي بيتك
٢/وجيبي اي احد يساعدك ورتبي بيتك
٣/وشغلي فيه قران وحاولي يكون الجو روحاني عشان نفسيتك

٤/انسي زوجك الفترة هاذي ولاتفكري بلمشكله الي بينكم خليك في فترة راحه من التفكير عشان باين انك مضغوطه من كثر ماتفكرين
٥/ركزي على نفسك وبس ان لنفسك عليك حق
٦/كوني ايجابيه لاتفكرين تفكير سلبي
٧/جيبي ورقه وقلم شوفي ايش تستفيدي من زواجك منه او طلاقك بعيد عن العاطفه ودراما اكتبي كل شي
٧/دور الزوجه الضحيه هذا انسيه انت عاقله مو ضحيه لاحد مشكلتنا انا نحب نلعب دور المضلومه ونا ضحيت وسويت ماحد بدنيا يقدر يجبرنا نسوي شي غير خوفنا وترددنا

٨/ركزي على نفسك الله يرضى عليك قوي شخصيتك وحبي نفسك وتقبلي ان هذا زوجك وهذا بيتك وهذولا اطفالك ونتي مسوله عن تواجدهم بعالمك
٩/اذا زوجك رجع لاتواجهينه خليك طبيعي اهتمي بطفالك وبيتك وهو برى تفكيرك
١٠/تحتاجين طريقة التعامل مع الزوج الخاين تحتاجين حل مو انهزام وهروب
خليك شجاعه ودافعي عن مملكتك وبيتك وطفالك
الطلاق انسيه اذ تبين نصيحتي وحاولي يزيد مصروفك وبمكر الانثى تقدرين تخاذين كل شي بسهوله بدون مشاكل وتهديد مشكلتك ان تتحدين وجميع الرجل بمن فيهم زوجك مايحبون لوي الذراع يعتبر عندهم تحدي ونهزام الانثى تقدر تحصل على كل شي بدهاء وحكمه
لو تروحين لستشارية تساعدك اذا عندك مقدرة والطلاق خليه اخر الحلول صدقيني اذا اكتفيتي بنفسك وعطيتي كل مشكله حجمها الطبيعي مارح تهتمي بكثير اشياء

وفيه شي قريته بردودك ان تقارنين نفسك بزواج خواتك المقارنه نقمه في الحياه الزوجيه والبيوت اسرار ماتدرين ربنا ياخذ من هنا ويعطيهم من هنا والمظاهر خداعه

الله يصلح حالكم ونصحك تقرين في كتب التنميه الذاتيه وحب الذات اشتغلي على نفسك طوريها ولاتقولي انا حامل وتعبانه انا حامل وبشهر الثامن الحمدلله وكل شي تيسير من رب العالمين
لاتنسين البقرة لو تقريها كل ثلاث ايام والله يريح بالك ويالف بين قلوبكم

ولاتفكرين في الناس واخواتك ان ازواجهم يدلعونهم ومن ذا الكلام لعلك عند الله أحسن منهم ماتدرين ايش بيصير في المستقبل تفائلي وحبي الحياه وحبي نفسك
والله اني اعرف حريم واسمع قصص تشيب منها الراس ووحده اعرفها شخصياً عانت الامرين بس ماتركت بيتها رغم انه كان يضربها ضرب موحش ويطلعها برى البيت ويرجعونها عيالها يبكون عنده لين يلين ويفتحون لها الباب وترجع ونصرها ربي عليه شوفيه مسجون ويتمنى انه يطلع ويعض اصابع الندم لاتخافين الله موجود وبياخذ حق كل مظلوم بس اوصيك اوصيك اوصيك بالدعاء اخر الليل بصدق ويقين ان يبدل ربي حياتك