🤱تباشير🐣 12🐣 مواليد مارس❤ ابريل🌹 2019🌹

ماله علاقه ابد
انا ولدت وباقي يومين واخلص الاسبوع ٤٠ وبنتي جاها سرعة بالتنفس وقريبتي بعد اخر التاسع وجاء طفلها
وقريبتي الثانيه عوشرت وطفلها جاه سرعة بالتنفس

ياقلبي تفائل خليك على اسمك الجميل تفائلي خير لاتكبرين موضوعه وتضيقين صدرك وتوسوسين ادري قلب الام بس صدق والله موضوع سرعة التنفس جداً عاااااادي ولا له اثر على الطفل
شيء وقتي ويروح من نفسه انا تعمدت اخلي بنتي عندهم كم يوم يراقبونها ولا قالوا عادي تطلع معك الامر جداً سهل اتكلم ترى بناء عن تجربتي وتجربة اللي حولي
يازينه هالموضوع عند مشاكل المواليد الثانيه اللي تفجع وتضيق الصدر

الله يقر عينك بشوفته بين يديك سليم معافىء❤️

انسدحي على سريرك لا تندمين بعدين اقصد مع الحركه تنفك الخياطه 💔💔بعد شهر اطلعي
انا الحين خلصت الاربعين وصرت اطلع بس يالله تعب تعب تعب فضيع
اذا مشيت كثير وركي ومفاصل الحوض خلاص أصير اسحب رجولي ومااقدر ارفعها
واذا جلست عالارض عظمه العانه احس انها بتطيح وجع فضيع
رحت المستشفى قالت لي الدكتوره طبيعي

سبحان الله يمكن خيره يوم تاخرت عمليتك كم يوم الله يطمنك على ولدك ويطلع بالسلامه يارب

الله يشفيك يارب ويقومك بالسلامه وتجي تبشرينا بسلامتك ونشوف السبرايز بنت او ولد😂

مرحبا >>
التفاؤل حبيتي لا تحاتين الموضوع محتاج وقت نفس حالة ولدي جاني طلق منتظم و قوي وانا بالاسبوع ٣٥ ويوم مع ان عيالي قبل ادخل التاسع وشبه اكمله
مريت بآسوء مرحلة بحياتي من موضوع اني ما امسكه وعليه تنفس صناعي وكل يوم يفحصون شي لا يكون تآثر وانتظار النتايج طبعا ما اخذت ابرة الرئه لان مستبعدين الولادة المبكره
ولدت بتاريخ ١٤ \ ٣ وطلع من العنايه للخدج بتاريخ ٢٦ والحين عندي الح ـمدالله قاعد يتحسن وضعه

بالبداية ولدته والنفس سريع واكتشفوا ان الشريان الي بالرئه ما اكتمل وعطوه جرعات من ابره الرئه واكتمل ولحد الحين النفس مرات يكون سريع قالوا طبيعي يحتاج وقت ويتعدل
طبعا انا طول ١٣ يوم بالعناية لان صار معاه التهاب بالرئه واحتاج مضاد.

كل هالقصه الي فوق اطمني لاني عشت هالمرحله مافي شي والحمدالله وضعه افضل من غيره لكن قلب الام والوسواس والاكتئاب قوي نفسج حبيبتي لا تستلمين انا انهرت وحرام عيالي شافوني بهالحالة لان استسلمت للوسواس