تجمعنا لشهر الخير

مسااااااء الخير
الحمدلله حاولت الاسبوع ذا اغير ترتيب غرفتي والحمدلله غيرتها وعزلت الملابس الشتويه ورتبت الملابس الصيفيه والله انجاز حسيت بررراحه عجيبه والله باقي لي الصاله والمطبخ والمجلس ببدا من الاسبوع الجاي ان شاء الله اليومين ذي مع الويكند راحه وعندي اختبار تحفيظ يوم الجمعه بستغل اليومين في المذاكره
دعووووواتكم 🌹😘

وعليكم السلام ورحمه الله وبركاته
الحمدلله انتي كيفك
ماشاء الله حبيت حماااااسك

امين ياااارب وياك الحمدلله مركزه معاهم ووقت الصباح اشتغل وامس كان اجازه مافيه اختبار فرتبت العصريه كمان وخلصت من غرفتي الحمدلله

اهلا بربات البيوت النشيطات واهلا برمضان الي يستاهل نتفرغ له بالعباده وصلةالرحم
انا من زمان وقبل ماتزوج متعوده هذي العاده وأهلي عارفين باني استعد لرمضان من شدة فرحتي انه قرب اجهز كل شي من تنظيف وتفريز
وبما اني عندي اولاد الله يخليهم لي وطول الوقت تعبانين والحين اختبارات توقفت هالفتره هذي
بس باقي اشياء بسيطه عزل الملابس الشتويه والتنظيف العادي
لأنه من رجب وانا رتبت البيت الكنب نظفته وغرف الاولاد رتبتها ونظمتها والمطبخ لانه صغير شلت المواعين الزايده وحطيتها في المستودع وحطيت مفارش في الإدراج والدواليب وصفت فيها الاكواب والصحون وغسلت البطانيات والزوالي الصغيره وكيستهم حتى إذا دخل الشهر الفضيل افرش البيت وشريت بخور لبيتي وللمسجد الي في حارتنا وسويت مثل العاده ركن خاص فيني دولاب صغير متنقل مو غالي حطيت فيه السجاده والمصحف وكتب اسلاميه ومسك وزعته بين السجاد وفرزنت بعض الأكلات الي تاخذ وقت
كلما تذكرت اني اسوي هالشي علشان اتفرغ لشهر العباده واتفرغ للأولاد ولا اعصب عليهم يهون علي التعب الله يكتب لنا ولكم الأجر ونحضر رمضان لافاقدين ولا مفقودين
تحياتي ❤️❤️

يامرحبا فيكم يالله ياعالم حواء من زمان ما دخلته نسيناه مع سناب وانستا المهم كنت مشرفة فيه عام ٢٠٠١ متخيلين !! المهم بما ان شغالتي تاخرت والمكاتب سايرين اكبر كذابين
قررت ادور لي يوميات تحفزني ولقيتكم


الحمد لله اليوم حسيت اني بديت اسيطر ع الوضع رحت اول شي شريت الف كاسه بلاسيتك اضمن مستقبلي 😊


ورتبت ثلاجة المخزن وباقي ثلاجة المطبخ
وطلعت صواني تيفال القديمه وشريت جديده


وبكره الربوع بشوف وش بمسك لاني ما اسوي جدول حسب المود والجو وحسب الصغار اذا كانوا هايجين والا هادين


وكل عام وانتم بالف خير واشكر الاخت الكريمه ياسمين