مشروع لمبلغ من المال

السلام عليكم ورحمه الله وبركاته
انا عندي مبلغ من المال وابي استثمر فيه بتجاره الذهب ابي افكار
يعني كيف ابداء
وابي شركه ثقه تقدر تستثمر فلوسي يعني اعطيها فلوس وهي تستثمر ه
المبلغ مو كثير😔😔
الله يجزاكم الجنه محتاجه استثمر فيه تعب عشان اجمعه

7 تعليق 1,846 مشاهدة

شاركي في النقاش

سجلي الدخول لإضافة تعليق.

التعليقات

7
  1. @aaoatf_trky

    وعليكم السلام ورحمة الله وبركاته

    افضل طريقه للاستثمار في الذهب للمبتدئين هي شراء سبيكه ذهب عيار 24

    اول شي لازم تاخذين وقت كافي بالسؤال ومراقبة اسعار الذهب عيار 24

    ثم تاخذين جوله بمحلات الذهب خاصة اللي يبيعون ذهب نقي بأسعار الجمله

    وتاخذين فكره شامله عن الاسعار بكل محل

    ثم تنتظرين وقت النزول وانخفاض الاسعار وتشترين سبيكه ذهب عيار 24

    ولا تحطين كامل المبلغ خذي سبيكه بنص المبلغ واحفظيها عندك

    ثم خليك مراقبه لاسعار الذهب وبعد كم شهر اذا نزل السعر اكثر روحي خذي سبيكه ثانيه واحفظيها عندك

    وبكذا تكونين استثمرتي فلوسك في الذهب ومتى ما ارتفعت الاسعار بيعي جزء منها وخذي الربح

    وانتظري النزول مره ثانيه ثم اشتري سبيكه وكذا استمري انتي وشطارتك

    وفي ناس يشترون سبايك الذهب عشان تحفظ فلوسهم من الضياع وتكون للزمن يعني مايبيعونها غير بعد سنوات

    بس في نقطه بوضحها تأكدي من موضوع وجوب الزكاة على الذهب اللي بتستثمرينه

    واذا ماعندك خبره لا تغامرين بكامل المبلغ يادوب خذي سبيكه صغيره بربع او نص المبلغ واحتفظي فيها وبعد 8 أو 10 شهور روحي شيكي على اسعار الذهب واذا ارتفع بيعي السبيكه قبل لا تكتمل عليك السنه واذا حسيتي انك فهمتي الشغله امشي فيها بسبيكه اكبر
  2. @dnytk_dnyay

    صاحبة الموضوع
    الله يجزاك خير
    طيب تعرفين كيف نعرف الاسعار اليوميه للذهب او احد يعرف وانا بالبيت
    يعني في رابط نتابع فيه او موقع الله يجزاكم الجنه الي ترد
  3. @aaoatf_trky

    اسعار الذهب تقدرين تعرفينها من مواقع كثير تعرض اسعار الذهب والدولار وغيره

    بس اكتبي ببحث قوقل اسعار الذهب في السعوديه وبتطلع لك مواقع تعرض الاسعار لكل يوم

    اما الدورات برضو اكتبي ببحث قوقل استثمار الذهب للمبتدئين او تجارة الذهب للمبتدئين استثمار سبائك الذهب او عن اي استفسار وبتطلع لك مواقع فيها مقالات تتكلم عنها اقرأي في اكثر من موقع عشان يصير عندك إلمام وفهم عن استثمار الذهب

تابعي تجارب أخرى من هذا القسم.