شاركي في النقاش

سجلي الدخول لإضافة تعليق.

التعليقات

2,246
  1. السلام عليكم يابنات انا اسمى ام احمد مصريه وعايشه فى الامارات وعمرى 23 سنه وعندى ولدين احمد وعبدالله ربنا يحفظهم وانا تخصصى علم نفس واجتماع وكان نفسى اشترك معاكم من زمان وبحبكوا كلكوا ياريت تعتبرونى اخت لكم واى خدمه منى مش هتاخر سلام
  2. @lovely_angel_1

    السلام عليكم
    لولوكاشا ,مشمش وسبانيش ودندون حبيبتى
    انا كنت بقول نفس كلامكو فى الاول وليه ادفع كل ده لابنى ما اشيلهم له ينفعوه لما يكبر
    بس لما ابنى كبر وابتديت ادور فى المدارس عجبتنى مدرسه لغات كان كتير بيشكر فيها اوى بس الولد دخل ترم كامل طالع منه مش عارف حتى شكل الالف ولا حتى الاي بى سى ورحت كذا مرة واتكلمت واشتكيت ولكن لا حياة لمن تنادى
    فابتديت افكر فى الاميريكان
    حبيت بس اضيف كام نقطه
    اولآ انا مش مدخله ابنى اميريكان عشان مستقبله يكون كويس او يتخرج يلاقى وظيفه ...لا ..المستقبل ده بايد ربنا وهو العالم بيه والمكتوب هياخده مهما عملنا
    انا مدخلاه عشان حاجه مهمه اوى للاسف مش موجوده فى مدارسنا وهى ان الطفل بيعييييش طفوووولته ويمارس حياته الطبيعيه ..المناهج الاجنبيه مافيهاش ضغط على الطفل غير انها بتبنى طفل مثقف واعى بعيد عن التعقيد والواجبااااات الرهيبه اللى فى المناهج المصريه
    غير مميزات كتير مش هاطول عليكو بيها

    تانى نقطه
    المعروف ان اغلب المدارس الامريكيه بيكون فيها تسيب جامد وبيطلعو الاولاد متدلعين ده غير الاخلاق اللى بتكون شبه معدومه والدراسه بتكون اى كلام
    لكن ربنا وفقنى فى مدرسه تكاد تكون امريكيه اسلاميه بمعنى ان فيها تحفيظ قرآن وتعليم دين زائد ان الادارة حازمه جدآ ورافضه تمامآ للتسيب اللى بنشوفه فى اغلب المدارس الامريكيه
    وغير انهم بيهتموا بالدراسه وبيتجاوبوا مع شكاوى اولياء الامور ومميزات تانيه كتير
    وبحكم ان المدرسه تعتبر فى بدايتها فمصاريفها معقوله جدآ بمعنى ان فى كى جى وان المصاريف كانت 6 الاف ومن جريد وان لجريد3 المصاريف 8 وهكذا فطبعآ المصاريف معقوله بالنسبه للمدارس المصريه "فى مدرسه لغات عادى كانو عايزين 11 الف اول سنه عشان ادخله كى جى وان "والعادى مصاريفه 4 اوخمسه غير الشير اللى طالعين بيه

    لؤلؤة يا حبيبتى مادام انتى لسه ظروفك مش مستقرة حاولى تستنى لما تستقرى وتشوفى وضعك هيكون ايه وساعتها انت بس اللى هتقدرى تحكمى اذا كنت تقدرى تدخلى ابنك المانى وللا لأ
    واوعى تفكرى فى المستقبل انت لو دخلتيه يبقى عشان تبنى شخصيه مش عشان تضمنى مستقبله
    وربنا يرزقك اللى فيه الخير يارب ويوفقك لما يحب ويرضى

    وآسفه اذا كنت طولت عليكو حبيت بس اوضح وجهة نظرى
    :26:

تابعي تجارب أخرى من هذا القسم.