استفسار عن الولاده في العسكري

بنت الجنوب، ملكة بإخلاقي
شكرًا ❤️

يعطون الطفل رضاعه

الا الطبيعي ياخذون ابرة ظهر وبالعسكري

شوفي ياعيني
انا كنت ناويه اولد فيه بس غيرت الخطه وللحين بعد مو متأكده الله يكتب لي ولكم الخير
اول شي مرت اخوي ولدت فيه ثلاث مرات وتمدحه
تقول طلبت ابرة الظهر وهي طبيعي
اعطوها بالبكر والثاني لكن الثالث كان عندها مشكله المويه نزلت والرحم مافتح مره والحراره ارتفعت ورفضو يعطونها ابرة الظهر
وتجربة صديقتي من ست شهور بالمبنى اربعه الجديد
تقول جيت وحطوني بكرسي تقدرين تمدين رجولك فيه وكلنا جنب بعض هي واللي فيهم ولاده وبينهم ستاير
ومن دخلت وهي تطلبهم ابرة الظهر ويقولون لها اذا وديناك للسرير نعطيك الابره
انتظري مافضى سرير للان
وعلى مافضى لها سرير قالو مانقدر نعطيك خلاص الرحم مفتوح ٦ سم
ودوها غرفه لحالها
تقول الممرضات اللي تحت تعاملهم سيئ جدا وماتلومهم من الزحمه تقول
لكن لماطلعت لغرفتها كان معها قابله افريقيه وتمدحها
لكن تبكي تبي مسكن ورفضو قالو خلاص ولادتك قريبه
تقول احب يدينهم ويقولون ايه الحين بنعطيك وماعطوها لين ولدت
جاها طبيب سعودي وكشف الرحم كم فاتح وقال خلاص تسعه وطلع
ولدتها القابله ونظفوها بدون خياطه قالو انتي الثالث ماراح نخيطك
تقول سبحو ولدها عندها بالمغسله وقالو هاتي لبسه يعني مالبسوه هم
ولبسته وحطوه عندها بالسرير وطلعوها لغرفه مشتركه
تقول ولا يجون ياخذونه ابد
تقول ابي اروح لدورة المياه تكرمون وابي احد عنده لين ارجع ويرفضون يجون
بس تجي ممرضه تغير حفاظته وتطلب من الام انها ترضعه طبيعي وتطلع
هي ولدت ثمان بعد العشاء
وطلعوها من بكرا تسع الصباح
هذي تجربه حديثه لصديقتي
وبالتوفيق للجميع

الطبيعي تقعدين اربع وعشرين ساعه وتطلعين والطفل يعطونك اياه ع طول اذا مايحتاج حضانه بالنسبه للبس حق المستشفى يلبسونه بعددكم طفل حطي له كم غيار مع بامبرز وكل شي يخصه والله يتممم لك ع خير