💛💐🐣التباشير الأول لمواليد(مايو&يونيو)🐣💐💛2019

مشكورين كل من دعو لي انا نزلت مني مويه بس قليله والحمدلله تطمنت الجنين كويس والمويه كويسه بس لازم متابعه عشان المويه ماتنقص لاسمح الله
بس من رجعت من المستفشفى الم مثل الدورة مع الم الظهر وتحجر شوي الله يستر اذا ماخفت الاعراض شكلي برجع لهم الله يعين 🤦‍♀️

السلام عليكم كيفكم جميعا
دعواتكم لبنتي بالعنايه تنفسها سريع شوي وينزل الاكسجين عندها لازم جهاز تنفس
الاكشن
مسكني مغص من الصبح ويصحيني من النوم ومانمت وامشي واشرب عسل وصحيت الاولاد للمدرسه وزوجي اجازه قلت له امشي المستشفى قال لسى وجهك مو ولاده😣 واروح احاول انام ومانمت وجلست للعصر واحاول فيه اخر شي المغرب رحنا مستوصف خاص وكشفت قالت خمسه سانتي قلت اكتبي تحويل لمستشفى عبدالله الجامعي لاانه مو اي احد يستقبله تابع لجامعه نوره لان كرهت اليمامه زحمه ونفسيات ورحت للمستشفى وادعي يقبلوني واول مارصلت استقبلوني احلى استقبال وع طول تخطيط وكشف وشوي تجي الدكتوره سودانيه وتشوف اوراقي وتهاوش عمرك ٣٣وهذا سابع بيبي انتي ماترحمين نفسك ارتاحي حرام عليك قلت يابنت الحلال اكشفي علي واوعدك هذا اخر واحد😂 وكشفت قالت اربعه مو خمسه وبعدها قلت مو تابعه لمستشفى ثاني قلت لا ماعندي قلت دخليني عندك قالت بروح اشوف لك سرير وجتني قالت يلا اخيرا وافقو بس لازم تولدين بخلال ثلاث ساعات وطلعت غرفه الولاده ولبسوني لبس الولاده وجت وفتحت المويه وراحت وبقى عندي ممرضتين سعوديه وفلبينيه مثل العسل وقالو جيبي مرافق لو زوجك يدخل معك عادي ويحضر الولاده قلت زوجي راح للاولاد بالبيت وماعندي احد ماشاءالله كااني بمستشفى خاص وبعد المويه ابتدى طلق حقيقي وكل شوي استغفر واقرا الزلزله وكل ماجت تقول طلقك بارد وانا بموت من المغص بعد ساعه جت الدكتوره قالت تاخرتي لازم طلقك يصير حار ومنتظم قلت بموت الم كيف مافي طلق حطت لي طلق صناعي 😭😭 وبنفس الوقت اعطتني ابره بالفخذ تدوخ صرت مو مع الناس اصحى بالطلق وارجع انام دايخه سكرانه وكل ماقربت الطلقه يصيحون يلا نفس نفس توترت وكل ماقربت نفس الوضع يصيحون نفس نفس ويوصل الطلق فوق الميه بس من رحمة ربي هالابره احس حالي دايخه اخر شي حسيت بدفع وقمت ادفع واقول لها صارت الممرضه السعوديه تدعي وتقول يامخرج النفس من النفس ويامخلص النفس من النفس خلصها وتدعي وتكرر وتجي الفلبينيه ترفع اللحاف وتقول لسى راس بيبي ماوصل واخر شي دفعت دفعه طويله طاحت البنوته وماامداهم يرفعو حتى السرير والحمدلله يارب ع الخلاص وقالو البنت تعبانه ويشفطون من فمها سوايل واخذوها للعنايه ووزنها ٢كيلو بس
جينا للمهم زوجي يراسل ها بشري طمنينا قلت جبت بنت قال مبروك الله يصلحها
والحمدلله كل شي من عند الله حلو
وطلعت للبيت وبنتي عندهم وزوجي مكشر واكلمه مايرد علي ابدا وقلت جيب شكلاته قال وش عاد انتي جايبه كملتي الرصه فرحانه يعني قلت الحمدلله ع عطاياه وبكيت من التعب وبنتي تعبانه وهو مو حاس يلومني انها بنت
بعدها جاب شكلاته بلجيكيه بكرتون احمر وعليها كرت مبروك المولوده حطها وهو ساكت وراح وانا سويت توزيعاتي وحطيت حلوياتي ومعمولي وبلونات باااسم المولوده ويارب تطلع بالسلامه ويارب الجميع يولد بخير وسلامه

ياعمري والله

الحمد لله على سلامتك

والله يشفي بنوتك يارب وتحضنينها بصحه وسلامه

ولا يخيب لك تعب

ادخلي طمنينا عنها كل ما استجد جديد

ورجلك لا تعليق صراحه
الله يحنن قليبه

طيب اش نوع الالتهابات؟؟ واش صرفتلك دواء ؟؟
مااعرف عن المويه الزايده الله يطمنك ع جنينك يارب ان شاء الله ربي يقر عينك فيه 💕

يا حبيبتي
الله يشفي بنتك و يحفظها لك ويبلغك فيها يارب
والله يسخرلك زوجك ويحببه في البنات وما يشوف الدنيا الا فيهم 💕