السلام عليكم ورحمة الله وبركاته
اخواتي العزيزات مالي من بعد الله المولى غيركم مشكلتي مع زوجي تبدأ كأي زوجين ايام حلوه وايام فيها مشاكل انا يعلم الله تنازلت عن اشياء كثيره بحياتي عشان بناتي وعشان حياتي تمشي معاه بس المشكله انو يحب الزعل بدون سبب بالاشهر مايكلمني وانا ليا فتره عند بيت ابوي زوجه مهجوره من ثلاثه اشهر وماصرف عليا ابدا وليا كم يوم ارسله بكل احترام ارسلي مصروف ماعندي مايرد واليوم الصباح لقيته راسلي كلام كله سب وقذف ويعلم الله الواحد الاحد اني بريئه من كلامه ويهددني بالطلاق ايش الحل معاه المشكله مايخاف من احد كيف اتصرف معاه ارجوووكم افيدوني
الحمدالله والشكرلله دائما وابدا الحمدالله والشكرلله حتى يبلغ الحمد منتهاه الحمدالله والشكرلله في السراء والضراء
شاركي في النقاش
سجلي الدخول لإضافة تعليق.
التعليقات
36- ربي يصبرك
بس احتفظي بالمسج حق القذف
تاني شي فين اهلك ، مااحد حاول يصلح ٣ شهور وبعدين ترسليلو ابى النفقه وانتي اصلا مو جالسه عنده
اذا ماسال عنك هالمده طبيعي انو مايرسلك النفقه
اسالي محامي الافضل
وربي يجبر قلبك عزيزتي - ايش سبب خروجك من بيتك كل هالمده؟؟؟ هل هو اللي طردك والا رحتي بنفسك ؟
أياً كانت الاسباب انا ضد انه الزوجه تزعل وتروح بيت اهلها اذااا كانت حابه تحل مشكلتها وتدور حلول واللي بتطلع لبيت اهلها تكون حاسمه امورها انها تخرج وماعاد ترجع
مدة هالثلاث شهور فين اهلك ماحلو الموضوع؟
بعد رسالته هذه الحل عند ابوك يتفاهم مع زوجك بوجود ابوه او اخوانه يعني احد عاقل بعيلتهم يحطوا النقاط على الحروف ويعرفو ايش سبب هالمشاكل وايش اللي يزعله منك قال لهم اسباب مقنعه وكان صادق فيها حاولي تجنبي اللي يزعله ويثير غضبه حتى تمشي حياتك
والله ماقال اسباب مقنعه وجالس يكذب ويألف ساعتها يطلب منه ابوك يتعوذ من الشيطان ويفتح صفحه جديده مو عشانه ولاعشانك لا عشان البنات مالهم ذنب في اللي يصير هذا كله
وحاولي تكسبيه قد ماتقدري الا مايكون عند زوجك مفتاح تقدري تستخدميه لصالحك بس بذكاءوصبر تعرفيه اما انه يمشي بالمدح ونفخ راسه ليل نهار او بالفراش او الاكل او امه الا ماتلاقي شي تقدري تكسبي زوجك بيه
الله يفرج همك ويعينك ويسخر قلبه لك ولبناتك🌹 - الحكومه تربيه اذا مو بخاطرك الصلح ارفعي عليه. قضيه قذف وقضية فسخ نكاح ونفقه
الحلوه المزيونه💕 ايش سبب خروجك من بيتك كل هالمده؟؟؟ هل هو اللي طردك والا رحتي بنفسك ؟ أياً كانت الاسباب انا ضد انه الزوجه تزعل وتروح بيت اهلها اذااا كانت حابه تحل مشكلتها وتدور حلول واللي بتطلع لبيت اهلها تكون حاسمه امورها انها تخرج وماعاد ترجع مدة هال…
👍الحلوه المزيونه💕 ايش سبب خروجك من بيتك كل هالمده؟؟؟ هل هو اللي طردك والا رحتي بنفسك ؟ أياً كانت الاسباب انا ضد انه الزوجه تزعل وتروح بيت اهلها اذااا كانت حابه تحل مشكلتها وتدور حلول واللي بتطلع لبيت اهلها تكون حاسمه امورها انها تخرج وماعاد ترجع مدة هال…
والله يااختي روحت لاهلي زياره ومن بعدها في الليل ارسلي لاترجعين البيت اجلسي عندهم افكر يارجعك ي اشيل قشك وارميه عندك بيت اهلك وربي الشاهد ماضريته يشيء واني نفسي ارجع عشان البنات بس هوا موراضي الله يفرجه من عنده
مواضيع مشابهة
تابعي تجارب أخرى من هذا القسم.