امانه ساعدووووني يا بنات أطلق ولا لا

انا عضو جديده وعاوزه مساعدتكم يا بنات بليز دروا عليا
انا متزوجه من خمس سنوات وعندي طفل كنت عايشه مع زوجي على طول مخاصمني يا بنات لاتفه الأسباب واروح اصالحه وأحيانا ما يقبل الصلح والله كان بيصعب عليا نفسي اوي ولو احنا متصالحين ينتقدني كتير ويقولي كلام وحش عمري يا بنات ما اعرف الكلام الحلو اللي بيتكلموا عنه والحاجات دي وكنت البس ملابس مثيره واعمل شعري ما اغري ابدا مهما عملت ويقولي ملوش لازمه انا حسيت نفسي قبيحه مع الوقت وكل طلباته ليا اني اغسل واكنس واطبخ كخدامه سامحوني يابنات بس لما يحصل الموضوع ____) يطفي النور ويقولي انو الجسم عوره وما ينفع نشوف بعض وكلام كده كرهت نفسي مع الوقت وكرهته احس وبقيت فعلا مجرد خادمه فقط وعايشه عشان ابني بس اللي اتغير في حياتنا انو بقى يخاصمني وانا معتش بحب اصالحه بسيبه براحته وهو حاليا بقي ليه اوضه لوحده بينام فيها وبقي بيخاصمني بالشهور وما يرضى ياكل من اكلي وسايبيني بقيت تقريبا مطلقه وعايشه لوحدي هو ليه اوضه بيدخلها وقافل على نفسه وانا لوحدي انا سبت البيت وطلبت الطلاق قالي براحتك وحسيت انو مش فارقه معاه عاوزه ترجعي تعالي مش عاوزه برحتك انا خسيت اوي وتعبت نفسيا وزني داخل على الأربعينات وحاسه اني لو سبته هرتاح انا الحمدلله ماديا كويسه مش محتاجه لحد واقدر اصرف على ابني
ملحوظه انا اتكلمت معاه كتير وحولت ادلعه انا وابدا معاه كتير واوضحله كل حاجه كتير جدا وهو عنيد جدا وما يقبل النصيحه بكل اشكالها