صورتي وبطاقه الاحوال 😭💔

السلام عليكم
...
مسساء الخير🌷
بناااتت اليوم رحت لاستديو تصوير نسائي ع اساس بطلع بطاقه احوال انا مو مدح لنفسي مافيني شي قبيح الحمد لله من فضل ربي وبشهاده الكل ، المهم صورتني عاد تعالو شوفو الصوره تخرررع كأني إندونيسية مختنقه وناقص عندها الاكسجين شفايفي طالعه بيضاء ولافه ع جنب وعيوني نقط والوجهه متنفخ مخلي شكلي قبيح قبيح بشكل انصدمت كل شوي اطالع فيها واخبيها من الصدمه
المشكله الي تصور توتر الواحد ماتخليه يتعدل زين ونفسها ف خشمها مدري البلا ف كميراتهم ولا ف الي تصور ولا فيني مشيتها وقلت يلا ماعليه الله كريم 💔
المهم بكره برووح للاحوال عاد سمعت ان الصوره بتطلع اللعن 🙂😭😭 ف البطاقه صحيح؟
و عادي احط مكياج خفيف جدا مايبين ع اساس يحسن الصوره شوي ؟ او ايش ممكن اسوي عشان تصير الصوره مقبوله وافضل من قبل ؟
ماابي انصدم مره ثانيه💔
جعل من ردت ربي يسعدها دنيا وآخره 💓

55 تعليق 15,877 مشاهدة

شاركي في النقاش

سجلي الدخول لإضافة تعليق.

التعليقات

49
  1. @amtar_alshtaaa_2

    اذا شكلك غير ماراح يقبلونها الاحوال
    روحي لها خليها تغيرها قولي الاحوال ماقبلوها
    والمفروض من وقتها خليتيها تسوي لك وحده ثانيه
    اذا رحتي الاحوال حطي مكياج خفيف وطلعي شوي شعرك صاروا يسمحون بكذا
    يحلو الشكل ويتغير ويطلع حلو شكلك في البطاقه
  2. @lolaloli

    بعيداً عن الاستنقاص بالجنسيات الأخرى..... مكياج بسيط ... قلم عيون داخلي ابيض/ اصفر من جوه ...مسكره خفيفه ..و مرطب او روج لون طبيعي .... وما حيبان في الصوره انك حاطه شي ... حيبين شكلك افضل

تابعي تجارب أخرى من هذا القسم.