💔تباشير ال14 💔لمواليد مارس🌹 ابريل❤ 2019❤

انا كمان ولدي وجهه صار مليان من الحبوب الصغيرة
وامس لاحظت حتى على باقي جسمه صار فيه ،،
وانصلت على وزارة الصحة قالوا اهرضيه على طبيب افضل ، قلقت ☹️

مين عندها خبره فيها ؟

دخلوني غرفة الولاده وانا ع السرير اترجاهم ابي مسكن مو قادره قالوا الحين بنعطيش الكمامه قلت للدكتوره ابي ابره في العضل قالت ماقدر اعطيش ابره لانها بتخدر الجنين وانتي ولادتش قريبه وقالت بفتح كيس الماي وانا خلاص الألم فضيع كان يزيد بشكل جنوني قلت اول الكمامه ابيها قالت للمرضه جيبي لها الكمامه وكشفت عشان تفتح الماي وفاتح ٨ وشوي
صرخت كانت تكشف والطلق موجود ويزيد الالم تركت الكمامه وصرت اصرخ بصوت علي وكان يدف وتقولي وقفي لاتدفي وكانت مخليه يدها داخل تقول لي لسى مافتح كامل خليه هو يدف من نفسه انتي لا تدفين اقوله لها مو انا هو اللي يدف صوتي كان مثل اللي يتعصر وبصوت عالي كان جدا غريب لانه كان يدف بنفسه خلاص اقول لهم باموت مو قادره وانا اصيح صرخت وهو يدفع وانا ادفع معاه قالت لي الدكتوره شاطره كملي بين الراس دفي متواصل ماطولت في الدفع يمكن ٥ مرات وطلع حبيب قلبي بدون مايصيح وانا اقول لهم ليش مايصيح تقول لي الدكتوره الحين بيصيح خذوه ع جنب ماشفت شنو يسوون وصارت الدكتورة تنظف وتطلع المشيمه
خلتني ع راحتي ع المشيمه ما قالت لي دفي كانت تجيني طلقه واون تقولي خذي نفس من الكمامه و لين حسيت في حاجه بتطلع دفيت مرتين وطلعت المشيمه وقامت تخيط وهي تخيط كل شوي يفز قلبي معاها وزودت جرعة التخدير وانا اسمع في الغرفه الثانيه وحده تصارخ وولدي الحمد لله طلع صوته وصح وجابته الممرضه ثواني ع صدري وشالته قالت بتوديه الحضانه لأنه تعبان
واللي في الغرفه الثانيه اللي تصارخ الراس طلع عندها وتركوني كلهم وراحو ركض لهم طبعا مسكرين علي الستاره في الغرفه وانا ع بالي زوجي موجود ورى الستاره انادي عليه مايرد وكانت موجوده ممرضه تنظف سألتها عن زوجي قالت برى
اتصلت له قال طلعوني برى الغرفه قالت شوي بس وانا سمعت صوت المره تصارخ والدكتوره والممرضات يركضون طلعت برى القسم
المهم رجعت لي الدكتوره وكملت الخياطه قالت لي انا شقيت شوي بس باخيطهم وباسوي تجميلي
وصحيح انا كنت ملاحظه ان فتحة المهبل الخارجيه كانت كبيره شوي يعني زي اللي مشقوقه ومو مخيطه والحين لما احط المرهم الا حظ الفتحه صارت صغيره

المهم نرجع للولاده طبعا ماجات الساعه ١ الا انا والد وكان من الساعه ١١ مفتوح ٢ يعني ماطولت سريع سريع الطلق كان حار وايد ويزيد ورى بعض
وولدي ماجابوه لي الا بعد ساعتين خلوه عندهم تحت الملاحظه

انا كذا اول ماجبته وصرت ادهنه بفازلين بالصبار خفيف ورائع والحمدلله راح ومازلت ادهنه لان جسمه جاااف ويتقشر

الحمدلله على فرج ربي وربي يحفظه ويقر عينك ببره وصلاحه

الحمد لله على الخلاص والسلامة

ولادتك بالشريحة تشبه ولادتي
فعلا بالاخير والطلق حامي تفتح الرحم بسرعة