تجمع أمهات الأشبال ب👶🏻💙

ايه انا حامل ببنت الان الله يجيبها بالسلامه وهذا اول حمل لي
انا من اول متزوجه وماحملت والحمدلله على كل حال الله يرزقنا باذن الله بالذكور السليمين يارب من غير تعب وتأخر، عاجلا غير اجل

الله يرزقك حبيبتي

اعذروني بنات ع الغيبة اختبارات
وبناتي تعبوا بعدها ولدي بعدها انا ورجع اللحين ولدي
من ولدته نفس المشكلة رايحة راجعة للمستشفى عشان صدره والله تعبت

ان شاء الله تطمنا ترانيم

مرحبا بنات وش اخباركم
معاكم مرام كنت متابعه لكم من زمان يوم كنت حامل ببنتي الرابعه اتذكر كبكوبه حامل معي اتوقع الحين بنتي عمرها ثلاث سنوات
مره خايفه من فكرة الحمل ومتردده لانو جاني فجأه زي الوسواس والاكتئاب والخوف مع اني ماكنت كذا ابداً
المهم احس اني مو مهيئه وعصبيه جدا جدا ونفسيتي سيئه لاني نقلت للطايف بكمل سنه مره بعيده عن اهلي بحايل وكنت بالقصيم قريبه منهم ومرتاحه
وجاني قولون ومشاكل كثيره بنفسيتي عصبيه دايما حزينه ووووو اخاف من الموت واخاف ع بناتي من اي شي بس افكر لو تجيهم صخنه بس احاول اتغير مقدرت
الحمدلله زوجي متفهم جدا ومايطري لي الحمل لكن تو جيت اهل زوجي وحماتي تسالني حملتي؟ وانا علي الدوره طبعا وتلمح لي لانو سلفتي تو جابت الولد الثاني بعد بنتين وزوجي مو ولدهم الكبير هو الثاني
ما احكي لكم قد ايش تمنيت انو انا الي جاني الولد مع اني قبل مو كذا وتفكيري مو كذا ابدا بس يوم شفت التبريكات والسناب والحالات حز بخاطري