السلام عليكم ورحمة الله وبركاته
خواتي مثل ما قالت الأخت إنما العلم بالتعلم والحلم بالتحلم
فكروا ان ما فيه شي في الدنيا بلاش كل شيء له ثمن
والصبر مر طعمه لكن بعد حلوه عاقبته
انا وحده حريقة نار بعدوا عني اذا عصبت حتى ان زوجي يقول انتبهي لا يجيك ضغط وسكر ترى ما فيه شي يسوى في الدنيا
المهم انا اقول له لا ما اقدر هذا طبع فيني عشان كذا انا ابعد عن اي شيء ممكن يثيرني حتى بعض القصص تقهرني ما احب اسمعها خصوصا الي فيها ظلم
اذا صار بيني وبين زوجي مشكلة وانفعلت وان كنت على حق الاحظ اني في النهايه ما احصل لا حق ولا باطل الا يطلعني في النهاية انا الغلطانه
احيانا ابغى اهدى واسكت لكن اقول لا لازم اتكلم عشان آخذ حقي وادري اني راح اتوهق وفعلا هذا الي يصير لين مره قلت لا لازم اسيطر على نفسي عشان اعرف افكر صح وبالفعل نجحت واخذت حقي بهدوء ليش لاني يوم هديت عرفت افكر صح واتصرف صح
انا ما اقول اني سيطرت على نفسي تمام لكن انا احاول والله يوفق
الوسائل السحرية لتهذيب النفس العصبية؟موضوع للهادئات والحليمات فقط.
متابعة النقاش، صفحة 4