كيف انسى الالم

بسم الله الرحمن الرحيم
مادفعني للمشاركه هنا هو حاجتي لما يخفف من الم جراحي من دعواتكن وكلامكن
تزوجت قبل خمس شهور بشخص انا اخترته وكنت اشوف فيه كل دعوه دعيت فيها ربي العليم بكل المواصفات ومن هذا المنطلق تنازلت بكل شروط ماقبل الزواج لانني ضننت بداخلي انه كفو وانه يستاهل التضحيات والتنازلات واقنعت فيه اهلي اللي برضو حبوه وانبسطو فيه كان مستعجل عالزواج كثير لذلك كانت الشوفه والملكه والزواج كلها بشهر واحد ! طبعا انا مطلقه قبلها وهو ايضا متزوج وعنده عيال ومتزوج وحده ثانيه وعنده منها بنت ومطلقها طلقتين هذا اللي فهمني وانه مايفكر يرجعها طبعا ماصارحني انه متزوج ثانيه الا بعد ماشفنا بعض وعلقني فيه وكانه عارف اني رح اوافق لاني فعلا كنت مغيبه
تزوجنا وسافرنا شهر عسل وبدات الاحظ انه يراسل طليقته من ثالث يوم زواج زعلت كثييييير وطنقرت عليه احترمني ع الاقل ومع هذا مشيتها كملنا اسبوعسن ورجعنا قبل مانتزوج فهمني ان الشقه جاهزه وحنا راجعين بالطياره قالي بوديك لاهلك لين تخلص الشقه صدددددمني مره ليش مو انت قلت جاهزه قالي في مشكله بالصرف واستمر تلاعبه بي كل الخمس شهور صار يجي ياخذني يوم يومين فندق وبعدها يرجعني ونا انواع الاعذار والاحراجات قدام اهلي صار كانه زواج مسيار تكلمت معه كثير وكل مره يطلع لي بحجه ولما شافني مصره اني ماعد اطلع معه فندق وانه اذا يبي ياخذني خلاص نروح للشقه اللي ضحك علي فيها بعدها صار يلمح لي بالطلاق واننا ماتفقنا ، صدددددمه يابنات والم وحزن الدنيا اجتمع علي نزلت من وزني خمس كيلو من كثر التفكير والهم خصوصا اني مطلقه قبلها وش اقول لاهلي ولناس ولنفسي قبل كل شي انا اللي تنازلت عن كل شي عشانه حتى وظيفتي وراتبي العالي استقلت منها عشانه لانه ماناسبه وضع وظيفتي كيف ارجع مطلقه للمره الثانيه وبفتره قصيره جدا خسررررت كل شي نفسيتي وحالتي الصحيه ووظيفتي وحتى كرامتي وثقتي في نفسي ، طبعا صار بيننا نقاش عالواتس قبل الطلاق ، قام طلقني باقرب فرصه ولاهون سبب طلقني وماعلمني انه طلقني الا لما اكتشفت انا بعدها يمكن بخمس ايام صدمني وصدم اهلي وابوي المسكين حسبي ربي وكفى بكيت كثير ع نفسي وع طيبتي معه وتضحياتي باشياء كثير مايعلم فيها غير ربي المصييه انه يفهم بالدين وكان قاضي سابق بالمحكمه
بعد ااطلاق باسبوعين بدا يراسلني عالواتس وانه مشتاق لي والله يذكرني بالخير ويرسل صوره ، بس انا كنت اصده دايما ولاني قادره انسى فعايله معي ولا دموعي اللي ماجفت للحين ولا اعرف السبب الحقيقي لطلاقي حاولت افهم منه لكنه شخص غامض ومتعب لايمكن يتكلم ، ماعرف كيف انسى وابدأ حياتي من جديد هو في قلبي كبير وبعيني صغير مااعرف كيف خلاص انساه ودي اكرهه ودي اصير مايعني لي شي بس لاسف هو يعني لي كل شي الى الان ساعدوني انصحوني ،

75 تعليق 20,177 مشاهدة

شاركي في النقاش

سجلي الدخول لإضافة تعليق.

التعليقات

73
  1. @mnaryta

    كله يهون معاد سالفة انك استقيليتي من وظيفتك بكل سهوله عشانه !! غريبه جاكي هالتفكير المفروض تكوني من الناس اللي عارفه ومجربه انو الدنيا مو أمان ووظيفتك أمان من بعد الله وبااقي الموضوع مو مستاهل يعني كويس لك 5 شهور وماحملتي منه عادي اطلقي منه للمره الثانيه ياما بنات أطلقو اكثر من مره وبقريح فيه وفعيشته 🖐ماهو نهاية العالم
  2. @angnyt

    انا مع مناريتا خير ماهي نهايه العالم لاتعذبين نفسك عشانه
    اللي يقهر وظيفتك مافي مجال ترجعين لها ؟
  3. @kot_akht_not

    انتي من جدك استقلتي من وظيفتك عشانه والا تمزحي
    وايش هذي الوظيفه اللي استغنيتي عنها بكل سهوله😥😢😞😣
    واضح زوجته الثانيه مبهذلها مثلك
    اذا بيرجعك اشرطي عليه شقه اذا ماجاب الشقه اسحبي عليه وبيعوضك الله افضل لك تطلعي من هذا الزواج الخايب بدون ضحايا جدد
    واذا رجعتي له لاتحملي ابدا لحد ماتتاكدي انه متمسك فيك جدا
    الله يفرج همك
  4. @donat_balskr1

    الله واعلم اخذك متعه لنفسه ويوم شافك مصره على البيت
    طلقك
    على باله بيلعب عليك ويسير بس ياخذك فندق باختصار هذا اللي يبغا مايبغا زياده مصاريف ووجع راس
    والله واعلم زوجته ماعندها علم بزواجه
    اسال الله ان يفرج همك
  5. اول شي الله يهون عليييك وتعوذي من ابليس والجئ لله ذا ابتلاء لك وهو دام طلقك عطيه اكبر بلوك واحذفيه من حياتك خلاص وحاولي ترجعين لوظيفتك حاولي تطلعييين من هالشي بأقل الاضرار كلام الناس سكري اذنك عنه اذا دخلتي غرفتك صلي واذكري الله وحافظي ع قراءه القران كثييييير واطلعي من غرفتك بكل قوه لاتبينين لاهلك انك حزينه خيييييره لك والله خيره

تابعي تجارب أخرى من هذا القسم.