وضعي السيء مع زوجي ..

السلام عليكم
بدون مقدمات انا متروجة من كم سنه وعندي مشاكل مع زوجي مايفهمني ودايما يغلطني ويغلط عليا وكلام جارح وشاكة فيه عنده جوال ما اعرف رقمه وحسابات ممنوع يضيفني وممنوع امسك جوالاته
واي شي تافه يحصل يقولي ماتعرفي شي وانتي جاهلة وانا اربيكي وماعندك مخ وشتايم واهانات ومايشوف نفسه غلطان ومقصر في اشياء كتير حتى في حقولي واذ زعل يقول خليكي في بيت اهلك ولا يسال عني وفكه منك ومن وجهك
اليوم حصلت بيني وبينه مشكلة بسبب بس سالته كم سؤال ليش ما تبغا تضيفني في سنابك ولا تعطيني رقمك وماتخليني اشوف جوالك كنت بتكلم بهدوء يعني ما ابغا مشاكل، كلامي مايزعل اتنرفر وانتي ماتفهمي وجاهله ومهما اعلم فيكي ماتتغيري ونا صبرت عليكي وجبت خلاص رايح اكلم اهلي يخطبولي! طبعا دايما هذا كلامه مو اول مره
انا ما اتحملت مافي زوجه تتحمل اللي انا بتحمله رديت عليه وسبيته من قهري ومن وقتها مايرد واختفى!
صعب صعب صعب اتعب ونا اقولكم قد ايش صعب دايما محسيني اني ولا شي رغم اني مو مقصره عليه بشي وماخده دوره في اشياء كتير انا اللي اراضيه وادور عليه وهوا ما يسال عني غير اذ رايق ماعمره حسيني اني شي دايما يوريني انه ممكن يرميني بأي لحظة ما كأني زوجة ولا ام ولده
اقل شي اشك فيه طالما بيعاملني هذي المعاملة ولا يعطيني رقمه مع اني زوجة معطي اصحابه وغير اللي انا ما اعرفهم وطول الوقت يههد بالزوج مع انه مالي معاه كم سنة
نسيت اقولكم انه عصبي ومدخن اقصد مدمن دخان
عصبيته مو طبعية اتفه التفاهات يزعل منها
احتاج نصايحكم

13 تعليق 2,506 مشاهدة

شاركي في النقاش

سجلي الدخول لإضافة تعليق.

التعليقات

13
  1. @shaaar_2

    اول شي انسو موضوع تفتشو جوالتهم او تشوفوها
    دي خصوصيه
    واضع انو بيعاند فيكِ
    والجو متوتر بينكم مره فصار يعاند
    حاولي تلطفي الجو وامسكي الاستغفار والصلاه على النبي
    واجلسو جلسه مصارحة شوفي ايش يضايقو وانتي قوليلو بس اول شي امدحي الايجابيات
    بس انسي موضوع الجوال والسناب
    ليش توجعو دماغكم
  2. @lyn_105

    صاحبة الموضوع
    سهااار
    اول شي انسو موضوع تفتشو جوالتهم او تشوفوها دي خصوصيه واضع انو بيعاند فيكِ والجو متوتر بينكم مره فصار يعاند حاولي تلطفي الجو وامسكي الاستغفار والصلاه على النبي واجلسو جلسه مصارحة شوفي ايش يضايقو وانتي قوليلو بس اول شي امدحي الايجابيات بس…
  3. @njm_2

    حسب مافهمت من كلامك انك مو مقصره معه بشي
    ومعطيته حقوقه
    عارفه انك تبين اهتمام منه يتعاملك معك بحب


    مارح اقولك روحي لهلك او اشكيه لهله لانه كلها ماراح تنفع


    اول شي غيري تعاملك معه كليآ
    لاتعطينه فوق حقه
    لايعرف عنك شي خليك بنسبه له سر غامض
    جولاته ابد ابد لاتسالينه عنهن
    واهتتتتمي بنفسك درجه اولى اوصلي لمرحله انك راضيه عن نفسك تعرفين لما تشوفين وحده اول مره اغراضها مكياجها اناقتها اسلوبها ذوقها تقولين واوو نفسي انها انا
    صيري انتي هذي البنت
    اهتمي بعطورك اناقتك خليه يشوفك شي مميز لكن غامض
    ان راح لاتسالين عنه ولاتدقين عليه
    شوفي حساب
    اسمه فوز مره حلوه بيفيدك بنسبه لشخصيتك وتعاملك معه
  4. @noralsaad_1

    اضافه على التعليقات المباركه
    شغلي القران في بيتك ونظفيه من المنكرات وحاولي تعطين زوجك ماء مقري فيه
    والدعاء سلاح المؤمن واكثري الاستغفار وتعلقي بالله هو النافع وحده
  5. @lyn_105

    صاحبة الموضوع
    N.J.M
    حسب مافهمت من كلامك انك مو مقصره معه بشي ومعطيته حقوقه عارفه انك تبين اهتمام منه يتعاملك معك بحب مارح اقولك روحي لهلك او اشكيه لهله لانه كلها ماراح تنفع اول شي غيري تعاملك معه كليآ لاتعطينه فوق حقه لايعرف عنك شي خليك بنسبه له سر غ…
    حبيبي انا الحمدلله مهتمه بنفسي مو عشانو عشاني في الاول وهوا يعرف وشايف قد ايش مو مقصره والله وحده شاهد عليا بس مافي فايده معاه لو اصحى وانام بمكياج والبس كل ساعه واغير نفسي ما يفرق معاه ولا يتاثر تعرفي
    يشوف نفسو احسن انسان ولا يغلط
    اقولو انتا تغلط ولا تعتذر حتى؟ يقولي ايوه انا ما اغلط ولا احط نفسي في مواقف! شايفه البجاحة؟
    وغير دا التهديد والشتايم مهما اتكلم معاه بهدوء مافي فايده اصلن اذ عرف الشيء هذا يزعلني او يجرحني يتعمد يسويه
    متخيلة!

تابعي تجارب أخرى من هذا القسم.