🍓✨التباشير الثالث لمواليد (مايو & يونيو)✨🍓2019

شنجر ماطلت الليله

وانا عندي زي الشورت ومن قدام سحاب وهو حق العمليات وفي من المنطقه ذيك فتحه بس مشوار وقت تروحين الحمام لما تفسخينه

صباح الخير عليكم جميعا 🌹
الف الف الف مبروووك لكل الا ولدوا والله يسهل للباقيبن على خير ان شاءالله ويرزقهم ولاده سهله ميسره يارب♥️
معليش غبت كثيييير بس مرررر تعبت وانشغلت مع البيبي الجديد والترتيبات
بقولكم الاكشن ممكن احد يستفيد من تجربتي 💔
زي ماكتبت لكم من قبل كان عندي طلق بس يجي ويروح هذا يوم الاربعاء يعني يمسكني الصباح والساعه١٠يروح وانام واصحى المغرب القاه ٣ساعات ويروح والخميس شد شويه بس كمان متقطع وامي تقولي غيراروح المستشفى مسكينه كان عندها مشوار وجلست ماراحت تراقبني 😢
صباح الجمعه اشتد خلاص رحت المستشفى الطوارئ وتقيس الا واحد سم 😰😰😰 وارجع البيت زعلانه وانام الجمعه واصحى العصر والاقي الالم موجود وسار كل ساعه وسمعت نصائحكم وشربت يانسون ورحت مشيت حافيه في ملعب كوره جنبنا😂😂😂😂
واكلت اناناس وياعمري زوجي ماقصر يمشي معايا واذا جات الطلقه يقول امسكيني وامشي ساعتين وخلاص تعبت ورجعت البيت شربت يانسون واستحميت ورحت رقدت احاول انام وشوي على صلاه الفجر يصحيني الم قوووي واوقف ويبدء الدم ينزل واصحي زوجي يالله بسرررعه عالمستشفى واقول لماما لاتجي معايا بروح انا اشوف واذا في شي تعالي وفعلا رحت ودخلت المستشفى وتقيس ٣خلاص ولاده واكلم ماما وتجيني ويطلعوني كشك الولاده واغير ملابسي وكلها حاجات جديده على احس اني مبسوطه بخلص وفي نفس الوقت خايفه وميته الم وارقد عالسرير وتجيني القابله تحط الابره وتقولي اقري قران واستغفري وادعي الله يسهلك ياعمري عليها مررره طيبه دعيت لها من قلبي والله وتحس في اتالم تقولي خذي نفس واقولها ابى اكل تمر تقولي والله مااقدر عشان انت عندك عمليه سابقه لازم تكوني صايمه وتحزن علي شويه وتجي تديني ابره مخدره الله يجزاها الجنه وانا من٩صباحا الا٢الظهر واصحى على حضور الدكتوره بتقيس وتلاقيه ٤ومبسوطه مني تقولي انا بروح وان شاءالله من هنا ل٨العشا وانت والده وانبسط شويه تجي دكتوره باكستانيه شدددديددده مررره ويدها في الكشف تموت تقيسني لقته ٤مافتح وانا خلاص بموت من الالم وتقولي بفتح كيس المويه عشان يزيد وانا اقولها لا انتظري شويه وماترضى تجي المغرب وتفتح كيس المويه 😰😰😰😰😰وانا خلاااص من قوة الالم احس ماعاد في شي يتحرك وحسيت وقتها اني حولد عمليه لان خفت من الدكتوره وانا اذا خفت خلاص جسمي كله يتنح 🥺🥺🥺🥺
وفعلا سبحان الله اجلس الا الساعه ١الليل ومايرضى يزيد عن ٤واعرف ان الله اختارلي العمليه رغم كل التعب الاشفته واتحملته بس هي مكتوبه لي مررره تانيه وسبحان الله عشان كمان اعرف فائدة الرفق الدكتوره الاولى عاملتني كويس هي والقابله واستجاب جسمي ولم اتغيروا اتغيرت معاهم كل حاجه والساعه ١ونص اتصل على زوجي اقوله خلاص عمليه ويقولي اتوكلي على الله وكلنا معاكي وندعيلك ودخلت العمليات ٢وخرجت الساعه٤والقى امي مسكينه شايله اغراضي وتجري ورايا تبى تطمن علي 😅😅
والحمدلله على كل حال واقدار الله كلها خير 🌹
طولت عليكم بس حبيتكم تعيشوا معايا الجو 🥰🥰

صباح النور والسرور
ااهلين ام سوسو 💗

الحمدلله على الخلاص والحمدلله على السلامه
وصدقتي احيانا النفسيه تخلي الواحد يتوتر ويخاف
وماعد يقدر يتصرف

الله يسخر لنا الطيبين من خلقه الحمدلله

شكلها طالعه ويكند 😄
لها فقده والله