التجمع الرابع لأمهات 🐣كتاكيـــ٢٠١٨ــت🐣 يوليو واغسطس

زوجي سحب عليه المفروض الاربعاء خلصت

والان رمضان مستحيل يوديني

بنات تو قبل شوي كنت شايلة ولدي في حضني وضحك
إلا وأشوف السن اللي فوق طالع ما شاء الله
واللي جنبه على وشك يطلع
صار عنده على كذا ثلاثة أسنان وقريب يصير أربعة
وي فديت السنون

الله يجعلها لك خيرة
ريحي خلال شهر رمضان وارجعي كملي بعده
الله يسخر لك خلقه

ايوه أنا لي حول الأسبوعين
سويت إعادة ترتيب للبيت
غيرت مكان دواليب
ودواليب فككتها ورميتها
وطلعت أغراض ما نحتاجها
زوجي كل شي عنده لا ترمونه يمكن نحتاجه وفي الأخير كومة أشياء ما لها داعي وماسكة مكان على الفاضي
الحمد لله ما صدقت أخلص قبل رمضان

قريت لك مشاركة عن نظامكم في رمضان
عجبني جدا نظام أهل زوجك ما شاء الله
يعني مو طول الوقت في المطبخ وأصناف كثيرة
مدري من اللي فرض علينا نظام الأشكال والألوان في رمضان