التجمع الرابع لأمهات 🐣كتاكيـــ٢٠١٨ــت🐣 يوليو واغسطس

اقسم بالله اني مااكذب ولا اجامل
اني البيض مااعرفه ولا يعرفونه اطفالي من تزوجت قبل٦سنوات يمكن جبته مرتين او ثلاث والدجاج مره بالاسبوع واللحم مره او مرتين بالشهر والرز مع الدجاج ويوم بالاسبوع اسويه واسوي معه ايدام خضار بالصينيه بالفرن ولا اقليه ولا شى بس اخليها مسبكه
والخضار اجيب كذا نوع ويوم اسوي بالضغط ويوم بالصينيه ويوم بالقصدير بالفرن
امممما اسوي كثير بطحين البر معجنات وسينابون وبيتزا وخبز شباتي ومكرونه واسوي سلطات مو يوميا كمان واجيب الصامولي(الساندويش)واسويله حشوه كل مره نوع والاكل من برى مرتين بالاسبوع بس مو وجبات ماك وهرفي وطقتهم من المطاعم
والحمدلله ماعرف لا قولون ولا ضغط ولا سكر ولا سمنه يارب لك الحمدلله ع كل نعمك علي فقط اعاني من امساك خفيف ويوم اهتميت بالسلطات خف
ونظامي وجبتين باليوم وسناكات خفاف كل اطفالي ماجاعوا لكن يومياً لزم نواشف من الاجبان وطقتها لاطفالي وزوجي انا تركتها
لا تستغربون لان لو عرفتوا وش فطوري برمضان هي الصدمه من جدا😃

وعليكم السلام
الله يبارك فيك
والله يتقبله منا يارب ويعيننا ع صيامه وقيامه

انا السحور ياكبسه ياايدام لحم وخضار وابدا اجهز لهم من ١٠عشان الحق اصلي القيام ابدا١واخلص ١/٣٠نص ساعه صلاه ثم ادخل المطبخ ونتسحر ع ٣الحمدلله فيه وقت بس نطموا وقتكم
والفطور لو اعلمكم تنصدمون 🤫

كنت كذا بس تغيرت لكن شغلي خفيف مو جرد وعزل 😂😂

انا اصلح فطور شوربه وسمبوسه ولقيمات وتطلي وقطايف ومعجنات ومكرونه وبسبوسه لكن انا افطر فقط ع التمر والماء وبعد الصلاه ع القهوه واكل حبتين لقيمات والباقي اخليه بعد ساعه والشوربه والمكرونه كل يوم واحد بس نصيبي انا اكله بعد التراويح
جربوها بنات والله بتكونو خفاف ولا بتثقلون لا تاكلون كل شى ع الاذان

طبعاً مو يوميا اسوي كل الاصناف كل يوم اسري صنفين او ثلاثه
وحلا اسوي اذا يروح لاهلي لان زوجي ماياكل حلا وانا تركته اقلده لان لو بسوي مابياكله الا انا 😂