لحالي 😔

السلام عليكم و رحمة الله و بركاته
كيفكم ؟!
بنات انا من يوم السبت متنومة في المستشفى و قالو لي مافي خروج لين تدخلين السابع بالسلامة و بعدها بكيفك توقعين على مسؤوليتك و تطلعين او تتحملين و تجلسين عندنا لين يزول خطر الولادة المبكرة
اه يَ بنات انا لحالي من ذاك اليوم محد جاني زيارة ولا احد سأل عني اشوف اللي معاي في الغرفة اهلهم يجونهم العصر و بالليل و انا نشفت دموعي من البكى زوجي مو مقصر وقت ما قدر يمرني حق خمس دقايق و يطلع وهو مستعجل زيارة العصر ما يقدر يجي لان البنت معاه و ممنوع دخول الاطفال و زيارة الليل هو مداوم لازم ٨ ونص يكون في الوزارة و انا نفسيتي كل مالها في تدهور مليييت طلبتهم اطلع ساعتين و ارجع رفضو يقولون ممنوع
و انا الشوق ذبحني لبنتي مو حارق قلبي و متعبني الا بنتي الله يربط على قلبي و يصبرني لين اطلع من هنا
و شكلي ب اشيل فكرة الحمل من راسي لبعد ١٠ سنين لو الله اراد 😭😭😭

126 تعليق 35,316 مشاهدة

شاركي في النقاش

سجلي الدخول لإضافة تعليق.

التعليقات

112
  1. @karayl0

    حبيبتي الله يشفيك ويعافيك
    خبري صحباتك خلي يجوك دام اهلك بعيد وبنتك الله يحفظها لاتشيلي هم هي مع ابوها
    اقري قران اترفجي شي على النت او العبي لوتحبي الالعاب الالكترونيه بيمشي الوقت
  2. @myma25

    الله يسهلك يارب وتقومين بالسلامه
    وين اهلك خبري اهلك وقريباتك وتعرفي ع اللي حولك متنومات تضيعين وقت معاهم
  3. تصبري واحتسبي الاجر
    استغلي وقت فراغك بالاستغفار والتسبيح والتهليل
    انا معك وحاسه فيك والله
    بس لازم تتعايشين مع وضعك كله كم شهر وتولدين بخير وسلامه وتنسين كل اللي تمرين فيه
    انتي الحمد لله بامن وامان وفي حولك مداراه وعنايه وبنتك باذن الله بأيدي امينت
    غيرك كثير بدول ثانيه تلاقينهن اسيرات وسجينات لا اهتمام ولاحد داري عنهن ويعانون الوحده


    انتي لاتفكرين الا بالايجابيات ودايم حدثي نفسك ان هالفتره انا بجلس مع نفسي اذكر الله كثير اتعبد كثير لاني بكره بطلع والتهي مع البيبي
    خلي هالفتره هذه ودام انها رمضان تكون فتره روحانيه عليك




    وبكره باذن الله تعدي الايام وترجعين لبيتك بخير وسلامه وترجعين لبنتك مع البيبي الجديد وتنبسطون




    موفقه يارب
  4. @mb_aaarf

    الله يقومج بالسلامه
    تحملي حبيبتي الايام تمشي سلي نفسج باي شي اتصلي باهلج سولفي معاهم العبي تفرجي على مسلسل

تابعي تجارب أخرى من هذا القسم.