السلام عليكم ورحمة الله وبركاته
انا كنت أظن ان دنعة الرجل أصدق من المرأة لكن من تجربتي المريرة اقدر اقول اني اختلف مع الأخت اللي تظن ان الرجل ما بستخدم الدموع كويسلة للوصول لأغراضه والاستدرار العطف والشفقة. زوجي كان يبكي بكي علي وبمجرد ماكان يبتعد عن المكان اللي انا فيه يرجع يضحك وعادي لا ويفتخر بعد انه يجيد التمثيل علي واني غبيه اني اصدقه يعني تخيلوا بعد ما خانني مع وحدة ثانية كان يجيني يبكي وحالته حاله ويقولي سامحيني وانا خلاص تركت البنت وكنت أصدقه وللأسف كانت دموع تماسيح بمجرد ما كنت انزل من السيارة كان يروحلها ويطلع معاها ولا كان شي صار .
مرة كان طالع معاها فهي تقوله احنا تأخرنا وايد شنو راح تقول لزوجتك اذا اتصلت فيك قالها ولا شي اقولها اني نفسيتي تعبانة وقاعد اتمشى على البحر وفعلا لما اتصلت فيه قالي هالكلمتين وخلى صوته كأنه مخنوق وقاعد يبكي وكمل التمثيل عادي . حتى امه كانت تقولي لا يقص عليك هذي دموعه دموع تماسيح عشان يأثر على اللي جدامه ويخلي اللي جدامه يشفق عليه ويتنازل عن حقه وفي نفس الوقت ينفذ طلبات اللي قاعد يبكي وفجأة المجني عليه يلقى نفسه تنازل عن كل شي والجاني أخذ كل شي وياريت اللي يبكي يكتفي بجذيه يا ريت الا يرجع يزن ويبكي على شي ثاني وهلم جرا. وطبعا الطرف الثاني يشفق عليه لأن ا لكل يظن ان دمعة الرجل عزيزة وصعبة ومنهم وايد بستغلون هالشي بس أحب أوضح ان الزمن هذا ملئي من نوعية الرجال اللي يسمون نفهم رجال ويستعملون دموعهم مثل الحريم وألعن للوصول لأغراضهم الدنيئة . زمان أول كان من النادر ان نسمع ان رجل يبكي ولو بكى يبكي لشئ عظيم لكن الآن تغير الحال.
صديقتي قالت لي مرة انه في شخص معاهم في العمل كانوا كلهم معزومين على حفلة بخصوص الشغل المهم ان هالشخص هذا كان قاعد يضحك عادي ويغازل وحده ومبسوط على الآخر ولما اصحابه سألوا لو اتصلت زوجتك شتقول لها وانت بهالوضع ؟؟فقال عادي انا بامكاني الحين في عز الضحك ابكي واخليها تصدقني وقام واتصل بزوجته وفعلا قعد يبكي من يومها صديقتي قالت الرجل ماله أمان ويبكي ثل الحرمة اذا يبي.
وكل قاعدة لها شواذ فعلا لكن الشواذ كثروا هالأيام للأسف ويدارون انفسهم وراى رداء الرجولة اللي هي المفروض تكون سلوك واخلاق وتصرفات قبل لا تكون مجرد كروموسومين x and y الرجولة ماهي قدرة على الانجاب وبس
بس ما اقول الا يا حسافة والله.
ايهما اصدق دمعة المراءه؟ ام دمعة الرجل..........؟
متابعة النقاش، صفحة 3