التجمع ١٢٥ للمقبلات على عملية الانابيب والحقن المجهري .

الف مبروك ام حمود الله يتمم عليك نعمته ويبلغك شوفتهم بصحه وسعاده
بنات ايش اخبار اماني وجوري وشموعي
وتراميسو وهنو من زمان ما دخلت وما ادري عن احد

انا بعمليتي الي نجحت مشيت ع نظام قبلها باربع شهور يمكن قطعت البيبسي والجبن والدجاج مدري هو صح ولالا واخذت فيتامينات رويال جل و فيتامين اي وفوليك وزوجي كان ياخذ دوا ناسيه اسمه وفيتامين سي
واشرب مويه وامشي كثير
ايام الترجيع قلت لكم انسدحت اسبوعين كني مزهريه😅 ماتحرك اصلي جالسه واروح الحمام تكرمون
فقط واكلي اشرب كوب مويه فيها ملعقه نشا واتغدا رز ابيض وسلطه خيار مقشر وخس والفطور توست وبيض كذا تقريبا كان اكلي
مع كوب حليب طبعا الحليب كنت اشربه كثيررررر لترين باليوم تقريبا
وبس سلامتكم
طبعا المهم والاهم الدعاء الحمدلله ولا الباقي كلها اجتهادات منا

لاتخافين ولاشيء سهالات ترى حتى يوم نشتكي لبعض من باب الفضفضه مو شرط الالام مبرحه😅
لان عني انا محد يدري عن عملياتي ف احتاج مساحه اخذ راحتي فيها واسولف وافضفض الي هو تجمعنا الله لايخليني ، حتى زوجي مافضفض له زيكم ♥️

ولاشي كنت اخذ قبل الحمل فيتامينات غير فوليك اسيد ود لانه ناقص عندي
اما الاكل فكنت الى حد ما مهتمه يكون صحي
وبعيد عن الغازيات والحار والبهارات
والحمدلله
دكتوري ما يعطيني فيتامينات ولا مثبتات الا بعد ثبات الحمل فقط تحاميل مثبته بعد الترجيع
عنده الطفل السليم هو اللي يثبت وجوده بقدره الله
انا اخر عمليه طلبت منه بروكسيد لي ولزوجي. اما الاكل المهم صحي وبعيد عن المسببات التي ممكن تسبب اجهاضات مثل الاناناس زياده التمر وكذا.

اه بس جبتيها على الجرح

انا اول ٨ شهور بعد الولاده كانت نفسيتي مره حلوه
بعدها بديت مشوار العمليات ارقع اللي حصل بعد الفرط
من بعدها وانا نفسيتي فوق وتحت لحد يومكم ٥ محاولات وسحب وتنشيط وادويه وابر وتحاليل ماهي شي سهل بس الاهم المحاوله والمثابره وعند الله لا تضيع الامور ابدا.
كنت الا ابي اوصل ٣٥ عندي ٢ وربي ماكتب الحمدلله الان مو مهم عندي متى المهم يصير متى ماربي كتب لي علي اسعي وادعي ومابيدنا شي الا سواله ان يرحم ويرأف بحالنا.
الحمدلله على مااعطانا وقادر ان يبسط الرزق لنا علشان نحاول ونعيد وقادر ان يقوينا وباذن الله بيعطينا.