التجمع ١٢٥ للمقبلات على عملية الانابيب والحقن المجهري .

لا حبيبتي غلطانه بتفكيرك الاجنه اللي تتحمل لليوم الخامس بعد الفحص هذي الاجنه السليم اللي تتفائلي بالحمل فيها ايش الفايده يرجعو لك جنين باليوم الثالث وغير سليم ولا يثبت لو جنين قوي بيتحمل لليوم الخامس أفضل من تجلسي تنتظري ١٤ يوم ع أعصابك يصير حمل ولا ع الأقل من البدايه بتعرفي
وهذا اذا تتلقح عندك فوق ٨ بويضات توكلي سوي الفحص أما اذا البويضات قليله ثنتين ولا ٤ اساسا الدكتور بيقولك مايحتاج فحص العدد مايساعد

طبعا انا اول عمليه حملت بدون فحص يعني مو معناه الوحدة ماتحمل
بس لان بعدها صار عندي فشل متكرر ٤ مرات ورا بعض صار الحل الأخير عندي هذا
فكل وحده تجرب كل أنواع العلاج من تحفيز وفحص ووو
لان كل وحده مشكلتها تختلف عن الثانية بس حلو الوحدة تكتب تجربتها لان يمكن تكون علاج لغيرها

اكيد طبعا كلامك صح مليون بالمية

وأنا مو ضد الفكرة

انا اللي اقصده ان سابقا رفضت الفكرة لأنها كانت اول محاولة لي وما كنت اعرف شيء

ووالان مثل ما قلتي الوحده تجرب كل الاحتمالات
وهذا اللي كنت اقصده بكلامي اني الان استخير بكل نقطه

اول محاولة لي ما كنت عارفة شيء عشان كذا كانت نظرتي محدودة .

فهمتي قصدي حبيبتي .

ماشاء الله الف الف مبروك الله يتمملك عليك فرحتك ياقلبي وتشوفينه بحضنك بعدتسع شهور سليم تام معافى وعقبال كل البنات يااارب

انصحك ابدي من الان العلاج ولاتاجلين انا كنت زيك بعد ماجبت توامي جلست خمس سنوات مافكرت اراجع حاطه في بالي اول ماابي احمل بروح اعالج واحمل وشوفيني الان خلصو عيالي تسع سنوات وانا من وقتها من فشل لاجهاض لاتاجيل والعمر يمشي بدون مانحس لاكن محد ماخذ الانصيبه في هالدنيا

حلو تفكيرك اهم شي انك تسعي وتدوري
والله مبتلينا في صبرنا بالعيال ماناخذهم الا بتعب
اتذكر قبل ١٠ سنوات كنت امسك دب وأصيح معقوله الله كاتب لي ما اجيب عيال لدرجه والله فكرت اشتري دميه اللي ترضعينها وتغيري لها الحفاضه وبعدها فكرت اتبنى طفله وزوجي رفض
جتني فتره انهيار بس بالنهاية صحيت وجلست ابحث عن علاج وحل

ان شاء الله تجربتك الجايه ناجحه وتبشرينا