التجمع ١٢٥ للمقبلات على عملية الانابيب والحقن المجهري .

ان شاء الله ربي بيعوضك عن تعبك وصبرك بس خليك واثقه ان ربي بيرزقك
وكل الناس بهذي الدنيا مبتلين بشي اللي بصحته وللي بأهله واللي بحياته واللي بالعيال مثلنا واللي واللي
والحمدلله والشكر ان في علاج لحالتنا وربي ماكتبنا عقيمين هذا بروحها راحه نفسيه انك تحاولي وتحاولي

ربي لا تذرني فردا وأنت خير الوارثين .

ربي لا تذرني فردا وأنت خير الوارثين .

ربي يرزق كل محروم عاجلا غير آجل

صباح الخير يا أغلى أخوات ☺️انقطعت فترة عن المنتدى لظروفي الخاصة وكنت نفسي اجي ابشركم بحملي واكتب مراحل العلاج كلها بس لسى ربي ماكتب ودخلت بقولكم رحلتي مع العلاج الشهر هذا
بعد عدة اختيارات لكذا دكتور استقريت على الدكتور محمد حسين طلبه في مصر لقيت عليه مدح كثير وان شاءالله يكون عند حسن الظن ،،
اخذت من دورتي اللي فاتت حبوب بريمولوت عشان ابغى الدوره تنزل فنفس اليوم وماتتأخر والحمدلله تركتها قبل موعد الدوره ب 4 ايام ونزلت فعلا فنفس الموعد ورحت للدكتور بداية الافرازات وقال الوضع تمام وراح نبدأ ثاني الدوره ببرنامج جديد اسمه البرنامج العكسي وسويت التحاليل وكان عندي ارتفاع بسيط فهرمون الحليب وكتب لي علاج حبه كل ثلاثه ايام مرتين بس و أعطاني كمان حبوب برجانكير كونسبيشن وبما إن عندي أربع محاولات فاشلة قال قال أول حاجه زوجي لازم يعمل تحليل التكسر للحيوانات المنوية اللي هو dna وأنا لازم أعمل أشعة سونار رباعي للانابيب عشان يتأكد ان مافيها مشكلة تسبب عدم ثبات الاجنة خصوصا ان عندي بطانة مهاجرة وأعطاني جونال أف 300 وبعد 12 ساعة أخذ مونيبور واستمريت على العلاج الحمدلله وبعدها ب 5 ايام كملت على العلاج وزاد لي ابر الستروتايد يومين وعندي موعد اليوم ... طبعا تحليل زوجي طلع التكسر عنده مرتفع جدا وقال طريقة أخذ العينة راح تكون خزعة من الخصية مو بالطريقة العادية عشان نتجنب التكسر وهذا سبب قوي جدا انه مايخلي الاجنه تكمل وتثبت 😥 وأنا الحمدلله على كل حال طلع عندي سوائل بالانبوب الايمن وتعمل ارتشاح على الرحم وتقتل الاجنة وهذا كمان سبب قوي جدا مايخليها تلتصق بالبطانة مع انها درجة أولى 😰وقال راح نضطر اننا نأجل عملية الارجاع للشهر القادم وراح نجمد الاجنة عشان تكون النتيجة أفضل لان لازم أعمل عملية منظار و أقفل الانبوب الايمن طبعا راح أعمل عملية السحب خلال هذا الاسبوع وبعدها ارتاح اربع ايام واعمل المنظار وبإذن ارجع المجمد الشهر الجاي...


اللي ابغى أقوله لكم ان فعلا عندنا الاسعار ماهي معقوله ابدا وانا عملياتي كانت كلها فمستشفيات كبيرة بس مع هذا ولا دكتور قالي ان فيه مشكلة عندي واذا سألتهم عن سبب الفشل يقولوا من الله ربي ماكتب والشيء الثاني عينة زوجي كانت دايم تعتبر ممتازه للحقن صح فيها ضعف بس كويسه وأجنتي كانت درجة أولى كلها مع ان زوجي طلع عنده التكسر مرتفع والحين ناوية أقول للدكتور كمان يعمل فحص أجنة بإذن الله عشان نتأكد من الامراض ،،
الاسعار فمصر ربع السعر عندنا نصيحة من أخت لكم اللي تقدر تجي مصر وتسوي العملية تجي صح المباني ماهي فخمة ومستوياتها جدا عادية بس دكاترتها ممتازين بعد الله واحنا حالتنا تحتاج دكاتره يفهمون ويقدرون وضعنا مو اذا مانجحت قال السبب من الله عيدي مره ثانية كأننا حقل تجارب ..


و أي سؤال أنا حاضرة 💕