شاركي في النقاش

سجلي الدخول لإضافة تعليق.

التعليقات

45
  1. @am_yasmynquot

    لاتعذبي نفسك بيجيك مرض نفسي حاصره تفكيرك في هالرجال رح تتعبي لاتفكري انشغالي بالقران زوري جيرانك معارفك حاولي تطلعين من جو المظلومه والنكد اللي عايشته صحتك أهم منه
  2. @adoaaa_17

    الله يجعل ما اهمك برد و سلام عليك
    الله يمسح ع قلبك و يصبرك و يعوصك خير


    و زوجك اذا انة ظالمك و مهمشك جعلة يلقاها بعدين و يحتاجك
  3. @mym_alfla

    حاسه بك والله يربي قمت اصيح الله يوفقك وينصرك يارب ويعوضك بالافضل


    يابنات انتن اللي تقلن اعتبريه صرافه او طنشيه ترى مو بهالسهوله الوضع ذا زوجها وبينهم اولاد وحب وقصص حلو ماتنمحي بيوم اكيد بتركض وراه هي مساله وقت وتهدى لنفرض لو ازواجكم جلس ساعتين ع الجوال طرتن كتبتن موضوع زوجي جالس ع الحوال ساعدوني يابنات
    فمبالك زوجك متزوج وفوق هذا ذل واهانات واستحقار شي يحرق الصدر ويقطع القلب
    ولا والله مثلا وحده زوجها مالمسها اسبوع انجنت تسال وشبه وشبه
    فمبالك عارفه وينه متزوج وتاركك مايجيك الم الم فضيع
    ياروحي الله يجبر قلبك تقطعت معاك والله
    الله ينصرك عليه ناكر المعروف بيجي يوم وتنكر له كل شي
    الله ينتقم منه ويرفعك عليه حسبي الله ونعم الوكيل بوه
    ماعليك ابكي لله وفرغي طاقتك وحاولي حاولي جاهده انك تتناسينه اعتبري نفسك ارمله ادري صعب عليك بس هالشي لزوم لصحتك انتي ❤️
    فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلَا تَسْتَعْجِل لَّهُمْ ۚ كَأَنَّهُمْ يَوْمَ يَرَوْنَ مَا يُوعَدُونَ لَمْ يَلْبَثُوا إِلَّا سَاعَةً مِّن نَّهَارٍ ۚ بَلَاغٌ ۚ فَهَلْ يُهْلَكُ إِلَّا الْقَوْمُ الْفَاسِقُونَ (3
  4. @shyhan_123

    حواء باتكلم معك بصراحة واتمنى ماتزعلين مني
    انت مشكلتك متقمصة دور الضحية ومعجبك هذا الدور وماتبين تطلعين منه ابدا بالاضافة الى عشقك لجلد الذات
    وكمان تدققين باشياء عادية وتفسرينها على كيفك يعني تقولين دقت عليه وراح لها طيب شي طبيعي يمكن تبي شي وراح يوديه لها والا تقولين يوديها ويجيبها ياحبيبتي شي طبيعي بيوديها ويجيبها ويسولف معها وياكل ويشرب وينام وبعد يتهاوش معها ويتضايق منها ويصير بينهم اي شي يصير بين المتزوجين بس انت ابليس مكبر كل شي بعينك ومو مخليك ترتاحين ولا تتهنين بشي
    بعدين والله العظيم حرام عليك تعذبين نفسك وتدمرين نفسيتك بالشكل هذا عيالك محتاجينك والله ياجلسة معهم انها تسوى مليون رجال انت لو تقدرين تنفصلين عنه وترتاحين نقول نسوي اللي يريحك لكن ماتبين الطلاق وبنفس الوقت معذبة نفسك بالشكل هذا !!!! ليه يااختي ؟؟ زواجه الله اللي كتبه عليك وعليه وحنا مسلمين نسلم ونرضى بكل شي يكتبه ربي لانه الخيرة لنا ودايما قولي ( اللهم اني رضيت عنك فارضَ عني ) بس ارضي من قلبك باللي كتبه ربي عليك وربي مايبتلينا الا باشياء نقدر نتحملها اما اني اعيش نفسي بحزن وهم وغم لانها دقت عليه والا ارسلت له لا يااختي الله مايرضى لنا الحزن وفي القرآن قال ( ولا تهنوا ولا تحزنوا ) و ( ولا تحزن )
    يابنت الحلال وسعي صدرك وكبري عقلك وترى انا مااتفلسف عليك انا مثلك زوجة اولى واكيد تجيني مشاعر مثل مشاعرك بس مااطول على هالحالة ولا تدققين على اشياء عادية يعني لما يقول باجيب اغراضها والا اوديها وانت عيالك يودونك طيب هي فعلا ماعندها احد يوديها غيره اما انت عندك عيالك الله يخليهم لك صح مو معناها يشيل يده من كل شي بس مافيها شي لو عيالك ودوك انا زوجي يودي زوجته الثانية ويشتري اغراض بيتها كلها اما انا مشاويري مع السواق ومايضايقني هالشي الحمدلله
    انت حلك مو انه تشغلين نفسك في العيال او البيت او غيره انت حلك انك تغيرين طريقة تفكيرك لو اتصلت عليه او راح لها قولي شي طبيعي واجبه وبيقوم فيه مو معناه انه يحبها اكثر مني واستغفري وسبحي بصوت عالي عشان تقطعين على نفسك التفكير

تابعي تجارب أخرى من هذا القسم.