التجمع ١٢٥ للمقبلات على عملية الانابيب والحقن المجهري .

أهلين اختي
الله يتمملك على خير
كل دكتور له نظامة
مثلا دكتوري مايرجع اكثر من ثلاثة
وبعضهم مايرجع جنين واحد وبعضهم عادي يغامر
كلها توفيق من الله الله يرزقك الحمل الثابت السليم

ماشاء الله ♥️
سما اذا مافيها احراج لك بغيت أسئلك المشكله عندك ولا عند زوجك ؟
لأني افكر اروح جده عشان هذا الدكتور عليه مدح ماشاء الله بس بغيت اتأكد لأن المشكله عند زوجي 🌹

سما الورد اشكرك حبيبتي على المعلومه .

يعني احتمال اذا البويضات ماهي كثيرة مايرجع الله يطمنك ويوفقك .

انا عند الدكتور بندر عبدالكريم ومادري .

الله يوفقنا ويرزقنا الحمل التام والعافيه

السلام عليكم ورحمة الله وبركاته
عزيزاتي انا ماعندي مشاكل في الحمل ولله الحمد لكن انا وزوجي حاملين لمرض وراثي عصبي وهو اول مسبب للوفيات عند الرضع توفت بنتي وعمرها سنتين وطفلي توفى وعمره ٦ سنوات ، اسال الله ان يجمعني بهم في فردوسه الاعلى ويجعلهم يستقبلوني على باب الجنة ♥️
في نفس شهر وفاة طفلي تقريبا قبل ٧ شهور كنت حامل ( بدون ما ادري ) ولكن اعتقد مع الصدمة النفسية والضغط توقف النبض في الاسبوع السابع وهي خيرة ولله الحمد لاني ماكنت افكر بالحمل الطبيعي عشان المرض .
مواعديني دورتي القادمة اتصل عليهم انا وزوجي ماعندنا مشاكل لكن متخوفة من اشياء كثير اولها نسبة الاصابة وهل يحدث خطأ يعني يرجعون جنين سليم ويكون مصاب 💔
والله يا اخواتي فقدت الدنيا بريقها في عيني بعد رحيل طفلي حبيبي كان كل حياتي وكرهت حتى الاطفال ولكن قلت يمكن طفل سليم ينسيني الهم خصوصا اني ما انجبت الا هالطفلين المصابين انا حتى ما اعرف كيف يكون الطفل الطبيعي .
طبعا انا استخدم مانع حمل الان ودورتي تكون رابع العيد تقريبا وهي منتظمة من اترك الحبوب ٤ ايام وتنزل ، ممكن تخبروني كيف طريقتهم بالسحب والترجيع والامور هذي لان مالي اي خبرة .


واسال الله العظيم في شهره الكريم وفي لياليه الاواخر المباركة ان لا يجعل احد من نساء هذا التجمع الا وقد اكرمها بالاطفال السليمين المتعافين 💔


وشكرا لكم

الله يعوضك خير حبيبتي والحمد لله لله ماأعطى ولله ماأخذ .

بالنسبة للفحص هناك فحص اجنه عن الامراض الوراثية وهذا العملية بفلوس لحالها من غير تكاليف التلقيح .

اما علاج الاجنة اللي فيها مرض ماعندي خبر عنه يمكن يفيدونك اخواتنا .

الله يشفيك ويعوضك الطفل السليم