التجمع ١٢٥ للمقبلات على عملية الانابيب والحقن المجهري .

استخرت الله

وبنصيحة دكتور شاطر بمستشفى العسكري قال لي اثبتي على مكان واحد لا تشتتين نفسك .

راح اقول لك الخطوات باختصار .

١. ثاني يوم دورة يسوون لك الاشعة عشان يشيكون على الحويصلات وبطانة الرحم وبناء عليها يخددون لك احد طريقتين إما البرنامج الطويل وهو على شهرين او البرنامج القصير اللي يكون خلال شهر واحد والمقطود الخطوات كاملة .

انا اللي جربته البرنامج القصير وهي خطواته كالتالي

٢ . يحدد لك الدكتور جرعات التنشيط المناسبة لك حسب ما شافه في اشعتك وتحاليلك وهي عبارة عن ابر اخذتها انا بالبطن ولا تخافين منها ابداااااا ترى ما تحسين فيها ابدا ابدا تكون على شكل اقلام

ومهم جدا الابر تنوخذ بنفس الوقت كل يوم مثلا اخذتتيها ١٢ الظهر يصير كل يوم ١٢ الظهر

وسهله جدا بعضهم ياخذونها من نفسهم انا بالنسبة لي اخذها كل يوم بمستوصف قريب لأني اخاف اغلط في ضربها

ومدة التنشيط تكون مختلفة من وحده الى ثانية انا اخذت ١٢ يوم وطبعا مهم انه بالوسط يسوي لك اشعه او تحاليل ييشوفون مدى الاستجابة قوية او ضعيفة ويشوف يزيد الجرعة او يقللها او يضيف ابر ثانية بالعضل يعني باليد تثبت البويضات

ولما خلاص يوصل للدرجة اللي هو يبغاها يعطونك بالاخير ابرة تفجيرية وهي لااازم تاخذينها بالوقت اللي هو يحدده لك بالضبببببط
لانها شرط تكون قبل العملية ب ٣٦ ساعة بالضبط


انا كان موعد ابرتي التفجيرية الساعة وحده بالليل اتذكر رحت للطواري اخذ الابره لأن مافيه عيادات بالليل وقتها .

بعد التفجيرية ب ٣٦ ساعة تجري عملية السحب وهي اذا ببنج كامل سهلة جداا بس ما ادري عن الملك فيصل هل يسوونها ببنج كامل او لا

اذا سحبو البويضات بنفس الوقت زوجك يعطي عينته ويلقحونها هم بمختبرهم خلال ٣ او ٥ ايام

يتصلون عليك ويعلمونك كم تلقح وكم صار عندك من اجنة ودرجة الاجنه .
اذا زاد عن ثلاث اجنة جمديها عشان تستفيدين منها بعدين .

اتوقع اذا كنتي بتسوين فحص الاجنة تكون طبعا بالثلاث ايام اللي بعد السحب

يعطونك مضاد بيوم السحب وتتركينه قبل الترجيع ويعطونك مثبتات واكيد فيتامينات والفوليك

ينادونك عشان ترجيع الاجنة وهي بدون بنج وابداااا ما تخوف ولا هي مؤلمة

فقط مزعجه لكن الم لا الحمدلله .

بعد الترجيع مرحلة الانتظار اسبوعين او ١٢ يوم بعدها تحلليلين تحليل هرموني للحمل اذا حامل معناها نجحت العملية بإذن الله واذا التحليل سلبي فما تنجح .

قلت الخطوات باختصار .
ويارب تكون عملية السحب عندهم ببنج كامل لأن اذكر وحده سوتها عندهم بدون بنج .

ربي يسهلها عليك وانا انصحك تكونين معنا بالتجمع بكل خطواتك صغيرها وكبيرها لأن فيه تفاصيل صغيرة تنفعك كثيررررر ممكن نفيدك فيها ..

احنا هنا لبعض عشان نفيد ونستفيد يا الغالية واي سؤال اسأليه .

يا بنات امانه اللي تعرف ترد عليا هل شرط بعد الترجيع احس بنغزات و مغص في الرحم عشان يكون في حمل والله تعبت من التفكير والقلق انا خامس يوم ترجيع وما عندي اي أعراض ابداا بدأت اخاف استغفر الله ربي ما يضيع تعبي

يا عمري لا تتعبين في التفكير
انا الي ماصار فيها حمل كل انواع الاعراض جتني
و الي صار في حمل مره وحده ومكان عندي ولا اعراض حمل ولاشي حتى قلت في نفسي مستحيل في حمل ب اليوم 8 نزل عليه دم وقلت خلاص دوره وطلعت حامل بس للأسف أجهضت

مشكوره عزيزتي وجزاك الله خير،، الله يرزقك ماتتمنين