لاسعاد زوجك ادلي بدلوك

اعملي لزوجك أسبوع مميز
يعني مثلا يوم اعملي له أكله مصريه وإلبسي واتكلمي مصري مع عمل ركن بالبيت بالطابع المصري
ويوم لبناني ويوم صيني ويوم هندي وهكذا:) :) :) :) :)
اعرف ممكن يكون مبالغ ولكن مجرد فكره

اهلين اختي ,,

البارحه انا وزوجي قلنا بنكسر الروتين وبنتعشي سمك مشوي على الفحم وعيش أبيض مع انه كنا طالعين نتعشي برع ونشوف فيلم شاءت الصدف نمر قدام سوق السمج !!

المهم لقينا سمج بطلوع الروح وشرينا العده للشوي ,, وطيران على البيت احم احم انتظري المفاجأه !
اختك تركض تجهز الجلسه فرشت حصير ومديت بيب ماي وغسلنا العيش في الحوش ويبت الوسايد وورينا الضو وجلسنا ننتظر النار تقطع علشان نشوي خخخخخخخخخ طلع السمج خايس خخخخ خربان يعني المهم اركض يازوجي المسكين السيتي سنتر وخذ ربيان وبعد طلع خايس يؤ على قولة خواتنا السعوديات شو السالفه اليوم كل شي خربان ؟؟؟؟؟

لكن في النهايه التجربه حلوه وتغيير وآخر شي تعشينا عيش ابيض وتونه ونعم التغيير واليوم جلسنا نضحك على نفسنا وفعلا كان تغيير ومغامره ههه واضافه حلوه لرصيد الذكريات ,,

اختي اذا عند عريش خذي لك زاويه في الحوش وعرشيها وافرشي لك حصير ومواسد وومكن تمدين لك واير كهربا علشان التيلفزيون مثل ماسوينا نحن للكومبيوتر واشوي لكم اي شي موشرط عشا حتى لو ذره وكستنا حلوه خاصه الحين الجو يساعد بس انتبهي عن تطلع خايسه :22:

ممكن تروحون البحر تتسبحون مع بعض في الليل طبعا
واللي ما عنده بحر ممكن يروح البر في أي مكان
وياخذون عشاهم معاهم ويسولفون وووو000 فهمتو قصدي
وفي البيت ممكن تشوون على الفحم ربيان سمك دجاج وتستانسون مع بعض

والله بدت تطلع الافكار اما كرسانه فكرتك غريبه شكرا على تفاعلك والباقين بعد ووله قلبي ضحكتيني حسافة التعب :) انصحك تربين سمك عندك في البيت للضروره:)