صباح الخير على الجميع
وعيدكم مبارك الله يجعل ايامنا كلها سعاده
بنات حبيت افضفض لكم هنا ولا افضفض بالعالم الواقعي لان نظرتهم ماراح ترحمني وبيقولون هذي اللي مسويه نفسها قويه بعد الطلاق وماتاثرت لان هذا الظاهر لهم
ولا حقيقتن اكبر كسر لي عمري والسنين اللي بعد الطلاق مرت ماحد تقدم لي وينقال عنه كفو
( قبل مابدا بموضوعي الحمدلله الحمدلله اني اعيش راحه نفسيه ماينكدها الا هذا الموضوع اللي باكتبه لكم :
سبق وان حكيت معاناتي مع طليقي المدمن راعي البنات قليل الصلوات اللي ايامي كلها سوداء معه تخلصت منه الحمدلله باقل الخسائر واهمها اني مانجبت
بعد طلاقي انصدمت بنظره المجتمع لي الكل بارك لي عشان هذا الطلاق ووقف معاي وماسمعت اي همز او لمز او تلميح باني مطلقه الى يومكم هذا
سمعت اجمل عباره وهي اللي عشمتني ووصلتني الى هذا الحال قالوا لي تطلقي انتي الكل يتمناك اللي سمعتها منهم ناس متاكده من مشاعرهم لي يحبون لي الخير مثل انفسهم
بس الى يومكم هذا ماشفت اللي يتمنوني والله ولا كاني موجوده والحمدلله ماينقصني اي شي حتى تعليمي الجامعي كملته بعد الطلاق وتخرجت
توقعت بعد سنه سنتنين من طلاقي باتزوج
الان مر قرابه الـ ٦ سنوات ماطق بابي غير اللي يسودون الوجيه يامدمن او واحد طقاق هو ومرته وبياخذني عشان يادب مرته
لاني صرت اعرف الرجال اكثر من نفسي من كثر ماسمع قصصهم
الان عمري شارف على الـ ٣٣ عاما وانا بنفس الوضع
المشكله ان اغلب معارفي عارفين سبب طلاقي وانه هو السبب
مرات يجيني الشيطان يقول لو صبرتي على طليقك وجبتي لك طفل احسن من كذا بعد كم سنه بيصير عمرك اربعين ولا ولد ولا تلد
ومرات اقول حتى لو تزوجت يمكن مانجب او اخذ فتره طويله ويتزوج علي
حنا من عايله ماحنا اجتماعيين كثيير يادوب نطلع بالسنه مرتين ثلاث لمناسبات كبيره يعني ماحد يشوفني
اسالكم بالله هل وحده وصلت عمري وتزوجت من واحد مطلق او ارمل بدون اطفال وخلفت
لاني انا مابي احد عنده اطفال
داخله على الله ثم عليكم بعد الدعاء اكييد لنفسي ماهي افضل الحلول لوضعي عشان اتزوج
طلبتكم تكفوووووووون كل من تمر هنا تكتب لو ماهي القصه لها شخصيا لاحدى معارفها
الموضوع مغلق