التجمع ١٢٥ للمقبلات على عملية الانابيب والحقن المجهري .

للأسف ماعندي خلفيه والتفاصيل
بس هالعمليات تحتاج مستشفى خبره لايسويها عند اي مكان اخترت مركز خبره وعندهم تجارب

الف مبروك حبيبتي. ربي يتمم لك على خير وتجي تبشرينا بولادتك

الله يتمم حملك على خير يارب
ارتاحي وحاولي ترفعين رجولك فوق مخدة
وخذي المثبتات في وقتها
وربي يتمم حملك ويفرحك ب ولادتك

بنات من جرب مركز البركة في البحرين
وهل الافضل احمد بركات
ولا غيرة
انا لما رحت كان عليه زحمة وضعط ودخلوني على دكتورة اسمها نهى
طبعاً افكر اسوي العمليه القادمة بالبحرين
او الخبر عند سمير عباس
لانه زوجي خلصت كل اجازاته ومايقدر يسافر مصر الا السنه الجايه لانو عندنا هناك حيوانات منوية مجمدة
مرات افكر بتاجيل فكرة المحاوله
الى شوال القادم اذا الله كتب لنا عمر
ومرات اقول ليش ما احاول في مكان مختلف
طبعاً ضايعه واحس الكل يضغط علي بموضوع الحمل
خاصه زوجة اخو زوجي حامل وعلى وشك ولادة
وانا الوحيدة الي ربي مارزقني وطبعاً مايعرفون السبب
انه من زوجي غير امه وابوة واخوانه
ومن جهة اهلي برضوا خالاتي وعماتي نفس الشيء يضغطون علي بما اني دخلت ٥ سنوات زواج
وصرت بالثلاثين
بنات كيف تتصرفون خاصه الي ماعندها اطفال نهائي
وسلفتها عندها طفل وحامل وتحن فوق راسي روحي الدكتور الفلاني والدكتور العلاني
وحتى امها ام زوجة حماي مسكتني على جنب تقول جربي شربي ميراميه اذا جاتك الدورة تحملين على طول حتى بنت حماي الي بالابتدائي كل شوي سالتني خالتي ليش ماعندك عيال ليش ماعندك بنت ولا ولد
يمكن هم يسالوني علشان يبغون لي الخير
بس احس نفسي مكتفه وحزينه ودايماً ابكي بيني وبين نفسي ما ابغى ابين لاحد حزني حتى زوجي مبينه قدامه قوية وانا مكسورة
علماً توني رايحة مكه بدايه رمضان حسيت براحة
بس لما رجعت مع ضغط كل الي حولي رجع لي الحزن مرة ثانية وضيقه الصدر
وين تنصحوني اعيدها

عزيزاتي أنا رجعت مجمد و حصل حمل ضعيف و نزل ع طول بعد التحليل و ما عندي مجمد .. الدكتورة تقول عادي ابدأ تنشيط من الشهر الجاي لأن هذي كانت مجمدة و أنا موظفة و فرصتي في الاجازة بس خايفة انه الرحم يحتاج راحة ... فيه احد جرب ؟