بنات بقولكم قصتي أنا شخصيا للعظة والعبرة.. أنا قبل ٣ شهور زاد وزني وزانت صحتي بعد ماتعالجت من أنيميا حادة واكتئاب.. قالي الدكتور وزنك زاد ٤ كيلو حاولي تنقصينه عشان يوصل للوزن المثالي.. ماقدرت انزله ولا حاولت أصلا بس قلت لنفسي ياليت تجيني مرضه خفيفه وتنقص وزني بدون مااتعب بعدها بحافظ على وزني... سبحان الله يابنات بعدها بشهر جاني ألم شديد في بطني وصرت اروح الحمام وألاقي دم يخوف مع البراز بشكل كبير.. تعالجت من ذاك اليوم لليوم ماخليت شي والدكاترة مستغربين ليش العلاج مايفيدني ماكأني اشرب علاج أبد كل شي جربته وشربته مافيه فايده.. واليوم وزنت وفعلا نقصت ٤ كيلو بس كيف؟؟؟؟ بمرض شديد وقلق وخوف لايكون مرض خطير.. صرت امشي في المستشفى واقول للحريم ادعو ربي يشفيني.. الحمدلله على كل حال... لازم نحمد الله على النعمة ولانتهاون بكلامنا أبدا.. الله يشفيني ويشفي كل مريض.. احنا دائما نتقلب في نعم الله ومانحس إلا إذا فقدناها.. وأعظم نعمة بعد الإسلام نعمة العافية إذا فقدناها رخص كل شي بعيوننا..
ادعولي ربي يشفيني ويشفي كل مريض
شاركي في النقاش
سجلي الدخول لإضافة تعليق.
التعليقات
69مواضيع مشابهة
تابعي تجارب أخرى من هذا القسم.