خبراتكم يا متزوجات

اذا قابلتيهم عطيهم اكبر ابتسامه بالوجود
اللي تطلع مع ضروس العقل.. وياهلا ويامسهلا
كيفكم كيف حالكم.. وجيبي معك صحن ضيافه
وبذوقكم شغلي حبايبي.. خذيهم بالكلام الحلووو


ساعه بالكثير وسلمي وقومي
وقولي جلستكم ماتنمل بس مضطره اطلع
ولا تشوفينهم الا مره بالاسبوع او بالاسبوعين


وخلال هالفتره لا تكوني باي قروب واتساب لهم
قولي والله مالي بالقروبات
عشان ما يلومونك ليه ما باركتي وليه مارديتي السلام وخرابيط حريم


خلك رسمية وبشوشه بنفس الوقت
واذا انذكر اسمك ما يتذكرون الا ابتسامتك وكلامك الحلو ورزانتك

فديت الشطورين
بس أزيد عليك تنسيهم تماماً بعد ما تطلعي من عندهم ولا تطريهم مع زوجك
وكوّني لك حياة خاصة بعيد عنهم صديقاتك وأهلك وزوجك

عامليهم بأخلاقك أول شي وحطي في بالك قاعدة انت تزوجتي ولدهم بس هو اللي يهمك اما اللي يصير منهم فلاتوقفين عنده كثير تجاوزي بعض الهفوات عشان مصلحة نفسك.. وإذا قابلتيهم قابليهم بكلام وجلسة حلوة وابتسامة وغيبي عنهم كثير خليك خفيفة عليهم..

الابتسامه
لاشفتي اي شي بسيط عليهم مرتب اثني امدحي
لما تجي مناسبه حاولي تجيبي معك صينيه حلا
امه بين فتره وفتره خذي لها هدية مرتبه
مبخره عود علبة عطر...فالمناسبات
خليكي تسألي عنها كيف صحتها
ابدا لاتسبي اي احد...لو جتك سبه مباشره او نقد لاتردي بالمثل خلي ردك راقي
حاولي ردودك ع الاسئلة اللي ماودك تردي عليه تكون دبلوماسيه
لايكون حديثك في القرايب او المعارف تحدثي بس بعيد عن القرايب
الغيبه والنميمه لاتاخذي وتعطي فيها...لو اضطريتي تعلقي قولي الله يستر عليها مااعرف بس ابدا لاتذمي
حاولي تكسبي قلب امه
وخليكي رسميه لاتسألي عن الخصوصيات ولاتجاوبي عن خصوصياتك
اتمنى اكون افدتك
حتى بالوتز خليكي رسميه ولاتكثري تواصل
هذا كلوووا يبعدك بعون الله عن كثره المشاكل والقيل والقال
ولاتنقلي كلام ابدا
وزياراتك خليها قليلة وخفيفة جدا يعني ابو نص ساعة
بالشهرين او الشهر مره
زوجك بداية بيعارض بس قولي انا بيتوتيه او اي شي
عوديهم كذا افضل

موفقه يارب

التطنيييييييش وبس