سويت جريمه في زوجي اللهم اجعل العاقبه طيبه😲

الاخوات اللي متعجبين اني ساكته ويعتبرونه ضعف وليش ماطربقتها على راسه
اولا بقولكم كل وحده تتعامل مع زوجها حسب شخصيتها وشخصيته وهو كذلك يتعامل معي حسب شخصيتي وشخصيته
زوجي من النوع اللي يراعي المشاعر كثير وزواجه مسيار عشان كذا والا اخوانه متزوجين على ثلاث وعيني عينك مااهتموا لمشاعر حريمهم ولا شي
وهو عارفني وعارف شخصيتي لو تزوج علني ماني قاعده عنده وقد قلتها له وهو عارف
لذلك هو حب يجرب هالنزوه تنجح او لا
والحمدلله مانجحت لأنه صاير يتغزل فيني اكثر ويمدح شبابي ورائحتي وجمالي وهو اول ماقد علق على هالاشياء
لان ربما يعتبرها اساسيات عند الحريم لكن يوم جرب عرف الاختلاف وعرف ان حرمته ماهي مثل غيرها


ثانيا انا ماعرفت انه تزوج مسيار الا بعد ماطلق يعني لو كلمته في الموضوع فتحت باب نكد علي بدون اي مردود مفيد
لانه طلق وكفى الله المؤمنين القتال
واي حرمه تواجه زوجها بزواجه هي تبي مااحد يشاركها فيه وانا الان ولله الحمد ماحد يشاركني والله تولى امري وصرف عني المسيار بدون جهد او طلب مني يارب لك الحمد والشكر
وصدقوني اي وحده تقول اطربقها وبيت اهلي ومن هالكلام هذا وقت السعه لكن اذا جد الجد تغيرت علومك
لان هذا كان كلامي لكن يوم حصل فكرت فيها سبعين مره ووازنت بين المصالح والمفاسد وعرفت ان مقولة(اقضب قردك لايجيك اقرد منه)صحيحه
فلو كبرتها وزعلت مردي يا ارجع يااتطلق واخذ واحد اردى منه هذا اذا تزوجت
فالحكمه والتروي في هذه الحال افضل من الزعل والفضايح اللي مالها داعي


اما سالفه الشحن واني فرحانه فيه
المسأله ماهي فرح
المسأله خفت يشك ويغير الرقم السري وانا اراقب واتكلم من غير مواجهه لان زوجي ماتنفع معه المواجهه وانا اعرف به
وانا على يقين انه بيتركها قريب لكن هو يرحمها لانها فقيره ولانه طلقها فهو مثل اللي يكفر عن ذنبه
اما الرقم الجديد فلو عرف به اخبرته به وانا اصلا شاريته لان عندي مشروع خيري وبستخدمه فيه
لكن من حسن حظي اني مااخبرت بالرقم الجديد احد الى الان

ماشالله عليكي حبيت شخصيتك 👍

انتبهييييي
ترى بالرقم التسلسلي يعطيه شركة الاتصالات ويطلعون له من شحن البطاقة
ووقتها يعرف رقمك الثاني وتفتحين على نفسك باب

االانالاخت اللي تقول سرقه
انا فكرت فيها لكن ان شاء الله انها مهيب سرقه
اولا انه زوجي والرسول يقول خذي مايكفيك وولدك بالمعروف
وهذي طليقته فايهم اولى بالمال الزوجه او الطليقه التي خرجت من العده
وهي تاخذ المال منه بالتودد والسؤال والسوالف وهو مايجوز لها فعاملناها بنقيض قصدها وخربنا عليها

يعني حلال يعطيها وحدة ماهي من محارمه؟؟

لعلمك بعض المشايخ اباحوا سرقة الزوجة مال من زوجها
عند الضرورة
وهذي ضرورة.. تبي تنحش هالنشبه اللي ماعندها دم