لو تقدملك واحد

حتى لو قوية بدها تعرف إنه بيتاثر من الاخرين بسهولة.

وش دراها انو ضعيف شخصيه
صار الطيب الان ضعيف شخصيه سبحان الله
اجل تبي قوي لازعل يمد يده ولايمشيها ع اللي يبي غصب عنها راضيه زعلانه


بعضهم يشوف الرجوله تسمع كلامه وحار واهله يعبون راسه


لاتتوقعين فيه رجال مايفتح اذانه لاهله
يعني الضعيف افضل من القوي ع الاقل يجي بالكمه الطيبه


القوي مو كلهم يخاف الله

الطيب تشكله ع كيفها وهي تقوي شخصيته
اذا مافي شي يعيبه توافق
لايجيها واحد يشيب بعيونها
القوي والحار والعصبي والله متعبين جدا
خليها توافق مع الايام هي تشكله ع كيفها يدلعها وتدلعه وتقوي شخصيته
القوي وحاره اعصابه شاب عليها ٢٤ ساعه بس مشاكل
وكيفها هي حره بس احسن لها طيب ضعيف


ولا قوي ولا حار عليها اعصابه شابه ٢٤ ساعه يبي المشكله وجاهز

بصراحه الشخصيه شي مهم واساسي

فرق بين الطيب والصفات الي انا ذكرتها

هي كيف عرفت ان فعلاً شخصيته ضعيفه وعلى النيه ؟

احياناً نسمع كلام ولما نختلط بالشخص او نعاشره نكتشف شي ثاني

يمكن هذا الرجال شخصيته مسالمه مايحب المشاكل والقيل والقال والتدخل والخوض في التوافه مع الاخرين عشان كذا بعض الناس يعتبرون انسحابه ضعف شخصيه بينما هو يشوف انه كذا مكبر دماغه ومشتري راحته

اتذكر من سنوات وحده اعرفها تزوجت واحد من اقارب ابوها شخصيته مره خجول وانطوائي وماعنده خبره بالحياه

اغلب وقته يقضيه مع ابوه بالمزارع والخيول ابداً ماله بمعاشر الحريم وسواليفهم

وفي يوم زواجه جلس جنب زوجته ومنزل راسه والمصوره تكلمه ومايرد عليها وزوجته هي اللي تحركه وتوجهه وتناظر فيه وتضحك بصوت عالي صاير شكله قدام الناس بايخ لا يهش ولا ينش وقريبتي الله يصلحها تصرفها ماكان حلو

اما بعد الزواج كيف حياتهم ما ادري ولا اعرف اذا شخصيته مع الرجال جريئه او له كلمه بالبيت

بس اللي على النيه وفيه طيبه ويتعامل مع زوجته بأسلوب هين لين وقادر يتخذ قراراته بدون امه وابوه هذا رجال كويس بعكس لما يكون انطوائي ولازم امه اللي تعطيه الشور والراي عشان يتحرك هذا اللي يعتبر متعب ومرهق