🤱🏻🎊التباشير(2)لمواليد🎀يوليو👶🏻اغسطس🎀2019🎊💐🤱🏻

بحاول اجرب 😕مع اني اكره المسها

السلام عليكم
كيفكم جميعاً
مبروك ام اميمة و الحمدلله على سلامتك و يتربى بعزكم يارب
الحمدلله يَ بنات وضعي هاليومين مستقر يوم الجمعة بدأ عندي طلق حامي بغيت اموت منه و مافي دكتور ما جاني لانهم خايفين استمر الطلق ٣ ايام و انا بس ابكي و اون و هم يعطوني ابر قابضة للرحم و مسكانت و الحمدلله اختفى كأن لم يكن
اليوم جاتني الاستشارية حقتي و شافت بطني للامانة متعير عن اول قبل كان مرة صغير ومحد يصدق اني حامل الحين صاير مرة كبير ما شاء الله لدرجة صرت ثقيلة و نومتي صعبة قالت هذا دليل على ان المشيمة تحسن وضعها و صارت تغذي الجنين و بدأ حجم الجنين يكبر علشان كذا بدأ الرحم يتوسع وهذا بالنسبة لنا بشارة خير بعد اسبوعين نعيد لك الاشعة التفصيلية و نتطمن على وضع المشيمة لو ارتفعت خلاص اكتب لك خروج ع الاسبوع ٣٢ و اذا وصلتي التاسع و جاك طلق من رب العالمين ترجعين و اذا ما ارتفعت راح نعتمد الولادة القيصرية في الاسبوع ٣٦


الحين يَ بنات عندي مشكلة جداً محرجة اللي وهي شعر العانة ما عاد اقدر اوصل علشان اشيله امس حاولت و جرحت نفسي وش الحل 😭
و بخصوص الوضعية الطبيعية للجنين وقت الولادة هي ان وجهه يكون مقابل للعامود الفقري لان سبحان الله منطقة العجان تتوسع وقت خروج الراس و ما يختنق الطفل عكس المنطقة العلوية عبارة عن عظم مافي مجال يتوسع فممكن يختنق الطفل


ادعو لي يَ بنات ان ربي يسهل امري و اطلع انا و بنتي بالسلامة و ارجع لنور عيني اللي انحرمت منها و انحرمت مني
بديت افكر جدياً في موضوع الاستقالة بناتي احق فيني من الوظيفة و العمل صح صعب الحصول على وظيفة حكومية و رسمية بس احس اني مقصرة في حق بنتي كيف لو جات الثانية كيف ب اقدر اوفق بين شغلي و بناتي
يارب ياكريم انت اعلم بحالي
اللهم اني وكلتك امري كله ف اختر لي ماهو خير لي

اجل الله يستر عليكي وتكملي حملك على خير

حطي رجلينك في مويه دافية مايلة للحرارة
و جيبي فوطة فيها موية دافية مايلة للحرارة و دلكي فيها حلاماتك و الصدر كامل سبحان الله تفتح الرحم و اذا جلستي ع الارض حطي اقدامك مقابل بعض و حطي يدينك على ركبك و دفيها لين توصل الارض انا ببنتي سويتها مرة وحدة و اليوم الثاني ولدت بدون طلق صناعي

المشكلة دكتوري ماقلي ولا شي بشوف المرة الجاية اطلب منه 😤