بنت اخوه وجرائتها!!!

مادري من وين تقرؤن انا قلت ادري انها ماقصدها تلفت انتباهه هي بس تبغى تسوي سنعه قدام عمها وقدامي وهاذا الشي ماعندي مانع فيه اذا كانت محتشمه وهاذي البيت بالاخص لما كانت صغيره قبل تتحجب كانت دايمآ تجي وتنام عندي ‘تجلس عندي ع الشهر ايام الاجازه وانا وربي احبها بس تصرفاتها الطفوليه والي بلا مبالاه تقهر شوي فكرت اكلمها بسس قلت بتاخذ بخاطرها وتزعل وماراح تفهمني لان لسى ماتعرف الجال وتفكيرهم وبعدين زوجي من النوع البصري جدآ يلاحظ شغلات انا مو منتبهه لها وهو ينتبه لابسط الاشياء والله انه يستحي مره واول مايدخلو يحاول ينزل برا المجلس ويروح يسوي له اي شغله وربي الاحظه انه حتى يستحي يناظر فيها ومسوي عيونه بالارض لما يكلمها انا اعرفه وافهمه لما يتوتر وانا حقي اغار بس بحاول اوجهها بوجه غير مباشر

وبعدين انا صح نحيفه بس جسمي حلو وهي اول وحده تتمنى جسمعا زي جسمي بس هو يبغاني اسمن


واشكر كل العضوات الي تفهمو الموضوع وماشككو في نيتي وربي اعلم وادرا بنيتي

بما أنكم قريبات لبعض انصحيها لوجه الله عز وجل مش لأنك بتغاري علشان تأخذي أجر من نصيحتك لها

عادي صارحي البنت وقولي لها انتي كبرتي ولازمك تتستري حتى لو بين محارمك..

اذا على زوجك (البصري)
احب ابشرك ان الشارع والاسواق والانترنت مليان بنات اشكال والوان يشوفهم براحته بدون رقابتك
هل راح تمشين وراهم تنصحينهم ينحفون ويغيرون ملابسهم عشان زوجك ماينفتن فيهم ؟ اكيد لا

وبخصوص انه ينزل راسه ويستحي ترى بعض الرجال حتى لو تدخل عليهم وحده من محارمهم بعبايتها الفضفاضه السوداء يستحي منها وينزل راسه وهذا الخجل لا يعني انه انفتن فيها ويتمناها كجسد !

ارجع اقول خلي عندك ثقه في نفسك وتذكري ان البنت لها اهل يشوفون لبسها
وتذكري انك انتي الدخيله على بيئتهم ومجتمعهم ومعتقداتهم وافكارهم مو مجبورين ياخذون التعليمات منك ويتغيرون عشان يصيرون مناسبين لك .. انتي حره في لبسك وجسمك وهم كذلك احرار

وخذيها من اخرها الرجال اللي يفكر في محارمه بطريقه جنسيه هذا شاذ ومنحرف وغير سوي وما اظن زوجك منهم لا من قريب ولا من بعيد لان كلها مجرد افكار من تخيلك وتصورك نابعه من غيرتك على زوجك
ولا تحطون مبررات للمنحرفين لان السوي نفسه ماتقبل النظره الغير اخلاقيه حتى تفكيره ونظرته صعب جداً تصور له محارمه بموضع الفتنه والانجذاب الجسدي

ومن الحين اقول اللي مايعجبها ردي مو لازم تعلق عليه تقدر تكتب رأيها اللي يخصها ويمثلها ويمثل بيئتها ونظرتها الخاصه فيها برد منفصل وتتركني انا وغيري نكتب رأينا اللي يمثلنا ويمثل بيئتنا ونظرتنا الخاصه فينا

كل شخص عنده قناعاته الخاصه فيه وفي بيئته ومجتمعه
وبالنهايه كلن بيسوي اللي يعجبه مو منتظرين رأي احد لا رأيي ولا رأيك