السلام عليكم
أولا اشكر صاحبة المعرف
دلتني عليكم لاني ما اريد اوصل المشكلة للأهل
مشكلتي مع زوجي بدأت من ثاني ايام العيد غياب مستمر عن البيت يطلع من بعد الغدا تقريبا من العصر إلى الساعة ١ او ٢ تالي الليول
بعدها صار يهاوش على اي سبب ويسمعني كلام يجرح
وانت مافيك خير وانت مامنك فايده وانت وجودك كاعدمك
وللعيد نسى موضوع الهدية وذكرته فيها واخترت عطر سعره ١٥٠ وقال لي ابشري وسحب علي
حتى مطعم او طلعة في العيد ماطلعني مشاويري مع السواقين عن شي أتكلم معاه يقلب الموضوع هوشة وزعل ونكد الحمدللهيوميا يرجع زوجي للبيت وانا والعيال والبيت نظيفين وريحة الدخون واصلة للشارع
ومجهزة له كل احتياجاته
انا اكوي اغسل انظف عندي أطفال الحمدلله من فضل ربي قايمه بكل شي
الطبخ مو يوميا اطبخ على حسب مزاج زوجي والظروف
لو قال يبي شي ما أرده
ومع هذا طول اليوم برى ويوما يفتح موضوع الزواج وأنه البيت الجديد للزوجة الجديدة
اللي قاهرني أني مو مقصرة وبدون مجامله كثير يقولون يابخته فيه قايمه بكل شي ومهما سويت مايمدح ولايجبر بخاطري الا نادر
انا بصراحة اخذتها في نفسي وزعلت وكان يجي ويروح وانا ابتسم بس وكلمه ورد غطاها واتعمد أني الهي نفسي بالشغل لاني شايله بقلبي عليه من تصرفاته وكلامه الجارح
واليوم انفتح الموضوع وانا انفجرت وطلعت كل اللي بقلبي وسمعني كلام أقوى وطردني قلت له مو طالعة انت اطلع
انا ما أشتت عيالي
ومع ذلك قمت بواجبي نظفت وطبخت الغدا
وطبعا مراح يرجع الا كالعاده اخر الليل
اللي عندها الحل لاتبخل علي
اسأل الله ان يفرج همي وهمومكن
شاركي في النقاش
سجلي الدخول لإضافة تعليق.
التعليقات
61- اللي فهمته كأن اللي حاصل فتور
يعني لاضربك ولاهو مدمن ولافيه خيانه
بالعكس حبيبتي وضعك تمام
بس طنشي السالفه عشان الحياه تمشي وترجع المياه لمجاريها
واطلعي من مود الحزن والقهر وانبسطي انك بين عيالك في بيتك وتشوفينهم قدامك بصحه وعافيه - -لعلها تشفّع لي ولك:💛💛.
_﴿ وَاذْكُر ربّكَ إِذَا نَسِيتَ ﴾🕊.
- سُبحان الله 🕊.
- الحمدلله🕊.
- الله أكبّر🕊.
- أستغفر الله🕊.
- لا اله الا الله🕊.
- لاحول ولا قوة الا بالله🕊.
- سُبحان الله وبحمده🕊.
- سُبحان الله العظيم🕊.
- لا اله الا انت سُبحانك ربي
أني گنت من الظالمين🕊.
- حسبي الله لا اله الا هو عليه
توگلت وهو رب العرش العظيمّ🕊.
- اللهّم صل وسلم على نبينا محمد 🕊. - الله يفرج همك ان شالله البنات يفيدوك
- انا عايشة يومي بدونه
انا والعيال فعاليات في البيت كل يوم شي
ونصنع حلويات وأي شي مع بعض
ونروح لمحلات الألعاب نشتري
احاول اطلعهم من جو الملل
واقولهم بابا مشغول وامدحه لهم وانا بموت حسرة من داخلي - ربي يسخرلك زوجك ويهديه
مواضيع مشابهة
تابعي تجارب أخرى من هذا القسم.