تجمع مطبقات برنامج اندلسيه دودي لعلاج التوحد

فعلا هذا اللي اعمله مع ابني لما نطلع لانو مرات نطول برا شوي ويكون وقت التمارين ..فتلاقيني ارجع ورا عندهم بالسياره واجلسه فوقي وحضن وسواليف وارويه الاشياء اللي بالشارع والسيارات والحمام والشجر وكل شي يمر علينا واكمله التمارين الذوق والشم اكون ماخذه معايا عينات في علب صغيره خخخ قرنفل قرفه قهوه تركيه وكمان اشيل شمعه صغيره وبلونات
استغلي ياساره فتره خروجك زي ماقالت ام دودي وربنا الشافي

الله عليكم من دخلت تفاجأت بكل التفاعل والنصايح. علوا الهمم وانشاء الله يشفي أولادنا ويقر أعيننا بهم يا رب العالمين. أختي سارة اللي ساعدني ازيد التواصل البصري لإيني هو الغناء له. كنت أغيرله الحفاظ أو وهو نايم على السرير أغنيله فيناظر بوجهي لين صار الموضوع عادة الحمد لله صار تواصله البصري أفضل كتير. الاستجابة للاسم أحيانا تكون 100% وأحيانا 60% وأحيانا لا استجابة. سمعت من الأخصائية على اليوتيوب تقول نادوا الطفل طول الوقت وقولو نعم كانه هو يرد ومع الوقت هو بيخزن. وانا بجرب الموضوع الحين وربنا يجيب النتيجة انشاء الله. أختي أم دودي ايش هي فيديوهات التكامل الوظيفية اللي تقولين عنها؟ يعني ابحث عن ايش؟ انا ابني الحمدلله بعد المشي حافي على أرض خشنة وزرع وتدليك وخلافه مافي سير على اطراف الاصابع لكن مشكلته السلوكية المستمرة للحين هي تحريك يده امام عينه يناظر في يده طول الوقت واحيانا تقل لكن ما زالت موجودة. كن اشتته بأني أول ما اشوفه يسويها اقول السلام عليكم عشان يسلم علي. ومستمرين والله ييسر.

نيناااا ي حلوووك هههههع
احلا اسم وربي حلوو اني اخذ عينات مافكرت اسويها
بالنسبة للتمارين صارت تنفخ بلون مصاصة في ماء تشم تذوق عاادي جدا كل التمترين الوجه واللسان تسويه الا هالكوور جننتني..
ياربي نسيت مين اللي قالت ع الحركة التكرارية لليد..
هذا حبيبتي لااازم مساااااج لليد ضغط ع المفاصل هو ليش يسوي هالحركة لان التكامل الحسي ضعيف وووتوجعه يده ويسوي هالحركات انتي كثفي تدليك وضغط وان شاء الله تروح
بالنسبة لفديوات التكامل اكتبي التكامل الوظيفي وتحصلين فديوات كثيرة
والله ياريت نفيد ونستفيد من بعض خاصتن في تطبيق التمارين كل وحده ابتكرت طريقه الله يسعدكم

ام دودي
مره قالت نيسان انو بنتها مافهمت فكره اللعبه فجابت دبدوبين ومثلت انو يلعبون مع بعض ويناولو بعض الكوره كل دب يرمي الكوره للثاني وهكذا وبنتها فهمت فكرة 💡 اللعبه لما شافتها ممثله في الدبدوبين
فانت اعملي نفس الفكره جيبي لعبتين دب 🐻 او عروسه وخليهم يلعبوو بنفس الفكره وبنتك تشوف وان شاءالله تقلدك

حبيبتي ساره توكلي على الله واستجمعي نفسك
النفسية لها أثر كبير
أنا كانت نفسيتي زفت مره وكنت متأثره كثير بس أبكي م قدرت أسوي شيء، أشتغل معها أسبوع ولا أقدر أكمل وطلع لي أكثر من ظرف المهم إني تأخرت ع بنتي تقريبا ٨ شهور والسبب الاول النفسية وبعدها الظروف وللأسف الشديد إن حالة بنتي تطورت بشكل رهيب، كانت بسيطة وقالت نيسان لي بداية توحد بس توقعت أنها بتوقف ع نفس حالتها ولكن كل الحركات التكرارية الان جاتها مع أنها ماكان فيها ولاحركة بس الجري بدون هدف مع إني كنت موقفه الشاشات بس أتوقع أنها الاصوات الالكترونية لانها كانت تتعرض لها بشكل يومي وأحيان تكون قوية وأقصد بالاصوات الاصوات الصادرة من مسجل أو جوال
الان لي شهر أشتغل معها ، فنصيحتي لك بالدعاء واللجوء إلى الله م يهديك الا كذا
ثانيا أحمدي الله أنها ليست معاقة أو مشلوله
وتذكري بأن هذا قدر الله لك لو ذهبتي إينما ذهبتي
فأرضي بماكتب الله لك وأدعي الله بالرضى والتسليم.
وابتعدي عن اللوم لنفسك، والله العظيم كنت أبكي بكاء الطفل الصغير من شدة القهر واللوم لنفسي ولم ينفعني ذلك بشيء بل العكس أثر علي كثيراً.
هذه تجربتي من تأثير النفسية