فهاوة الحريم وضياع عيالهم...اسدحوا لنا مواقف ضياع عيالكم

اكيد صارت لي مواقف بس فيه موقف لحرمه قدامي يحزن ويضحك بنفس الوقت 😂
كنت في سنتر بوينت وفيه وحده تمشي وتبكي وتدور ولدها وانا من الربكه ادور معاها وانا ماعرف شكله
المهم ادور معاها في النهايه لقته امه في الفترينه حقة المحل
ورا القزازه مسوي نفس حركات المانيكان 😂 ومايتحرك متصنم 😂
جرته امه وهي تبكي وصفقته وهو مبسوط على الانجاز اللي سواه 😂😂 لان الناس يطالعونه ويضحكون

ياكثر المواقف اللي افقدهم فيه الله يصلحهم بلحظه يضيعون مع اني حريصه حيل لاكن بثواني يختفون
مو شرط تكون الام مهمله ومفهيه انا ما اظن احرص مني على عيالي لاكن العيال الله يهديهم شطانتهم زايده وصعب تسيطرين عليهم
الموقف مرعب ورجولي في كل مره اضيعهم فيه ما تشيلني اخر مره كنى بالمول وكنت طالعه علشانهم امشيهم لاكن بنتي الله يهديها بثواني اختفت والتفت ما لقيتها واركض ادورها وابلغ السيكورتي يقفل البوابات واركض يمين ويسار زي المجنونه اوالحمد لله لقيتها تبكي وتركض تدورنا
صرت ما احب اطلع ولا اطلعهم بسبب الخوف من انهم يضيعون

موضوع رائع .. أقولك عن موقف صار لوحده قريبتي طلعنا مع بعض لمهرجان وعندها بنت عمرها كان خمس تقريباً والبنت وراء امها والأم شافت الملابس المعروضه أعجبتها وهات وخذ مع البائعه بكم وهذا بكم والبنت ماتعرف أمها لان كلهم نفس العباية وماتعرف امها وراحت والأم فجأه صارت تصايح وتنادي وين بنتي وين راحت!!
وأخدنا ندور معها بنتها وقلنا نبلغ الأمن قبل تطلع من سور المهرجان وأعلن عنها ومادري من لقاها وداها للشرطة وفجأة قالت لنا وحده تعالوا عنده معه بنت لقاها هي بنتكم؟!
ورحت ولقيت البنت معه وبعدها أخذنا موقف ماعاد نروح لمهرجانات بدون مانتتبه للصغار الا ونحن ماسكه بيد اي طفل ولا نتركهم بالبيت😩😅

ههههههههههههه

اي صح لانهم دايما يلقون المسؤولية على الام بس
وهو مايبالي أو مايحس بهذا الشيء