فهاوة الحريم وضياع عيالهم...اسدحوا لنا مواقف ضياع عيالكم

فهاوه مني على قول صاحبه الموضوع
وانا ببيتي يعني متطمنه انها موجوده وطيبه
ولكن الشيطان قام يوسوس بي ويلعب بتفكيري
وغيابها كله على بعض مايجي ساعه الى نصف ساعه ولكن وسوست لاني مو متعوده انها تفارقني او تغيب عن عيني حتى لو نصف ساعه

مو لاهين عنه و لا شي هم اكيد شافوا ولدهم جالس عندكم و عجبتهم السالفه تلعبونه و توكلونه و تهتمون فيه يا سلام من يحصل له و لا مجاني بعد




لو مكانك هالنوعيه ما ينفع تتجملين معهم كذا
اخذ الولد و اوديه لأهله رجع لنا مره ثانيه اطرده ايه اطرده و اكرشه بعد لان ببساطه لو حصل له شيء ما راح اهله يسكتون لكم
فالسلامة لا تعدلها شيء

مره ضيعنا اخوي كان صف رابع وتونا راجعين من عمامي
رجعنا ١٠ ودخلنا ننام قمنا الساعه ٢ على صياح امي وهواش ابوي كل واحد يقول اكيد كذا واكيد كذا
امي تقول لأبوي انا متأكده وشفته ركب السياره وابوي يقول ماشفته واخواني كثير مشاء الله ابوي معه ثلاث حريم يشوف مين ولا مين وكل البيت يدورون وقته مافي جوالات وماعندنا تلفون راح ابوي يبلغ لما ركب السياره حس فيه صوت قال فلالالان قال هاااه قال ووجعاه 😂😂 ونزل له وجلده جلد كان نايم بالسياره وصار الويكند كل وحده له يوم تسير به ماعاد نطلع زي قبل
الحين هو رجال وكل ماتذكرنا السالفه متنا ضحك

لا والله مادروا عنه ولادورو عليه ولاهم عارفين انه معانا اولا لانهم جالسين بعيد عننا وثانيا حاطين سيارتهم حاجز ومتكيين عليها يعني اللي يشوف سيارتهم مايحسب فيه احد جنبها جالسين وراها وبيننا وبينهم مسافه واحنا ورا سيارتنا يعني حتى ولدهم مو شايفينه
وبعدين طفل حب يلعب مع اطفال وعادتهم كذا اذا شافو كوره او حلاوه ايش اطرده واكرشه مو لذي الدرجه واذا صار له شي مسؤولية اهله مو مسؤوليتي والله
لو كبير والا مراهق ممكن اطبق كلامك بس طفل وانبسط مع عيالي وهم انبسطو معاه اطرده ليه بالعافيه عليه الاكل واللعب والبسطه