اي وحدة ماعاشت التجربة نظرتها ناقصة للموضوع ترى كلنا قلنا مثلكم لو يتزوج باخليه واتطلق ومن هالكلام لكن الواقع غير
اذا الوحدة عايشة حياتها في بيتها ومع عيالها مستقرة ومافيه مشاكل هل بتهدم كل شي عشان نزوة زوجها ؟ طبعا انا اتكلم في حال ماكان فيه سبب قوي للزواج الثاني
لما يتزوج الزوج ويكون كويس معك مرة ومع اولادك هل بتهدمين كل شي عشان حرمة ثانية ؟
اذا كان حاس ان زواجه الثاني شي ثانوي لكن راحته معك ويحب ياكل عندك ويسولف معك وترتاحون مع بعض وتحبينه ويحبك هل بتطلبين الطلاق ؟
هذا كله كوم والعيال كوم ثاني حتى الصغار منهم يفهمون ويحسون ويعرفون كيف بتغيرين كل شي عليهم وتشتتينهم اذا كان ابوهم غلط هل ازيد البلة طينة واشتتهم ؟
ما انكر ان الموضوع جرح قوي مستحيل يندمل مهما صار لكن اذا كان الزوج مو مقصر وبالعكس يفضلك عليها صعب جدا اني اقلب حياتي واشتت عيالي وانا نظرتي لنفسي اني استاهل الافضل ومو قدري نص رجال يكون عندي ويوم لا وليلة عندي وليلة لا لكن العيال يبون ابوهم وقالوها في الامثال الاب هيبة لو كان خيبة
وكل انسان في حياته ابتلاء اذا ربي كتب لك هذا الابتلاء وش بيدك تقولين الا سمعنا واطعنا واللهم اني رضيت عنك فارضَ عني
زواج الزوج اعتبريه مصيبة تعاملي معها زي بقية المصايب الله لا يقدرها على احد
و الافضل مايكون فيه اي تواصل او احتكاك انا لي حياتي وهي لها حياته ماراح اقضي حياتي بمهاوشات ومقارنات مع احد انا اقارن نفسي بنفسي واعيش حياتي زي ماابي بغض النظر عن غيري لكن بنفس الوقت مااتمنى الشر لاحد ( ربنا لا تجعل في قلوبنا غلاً للذين امنوا )
زواج الزوج تجربة صعبة وقاسية اكيد لكن فيها دروس مستحيل كنت باتعلمها لو عشت عمرين فوق عمري لكن مستحيل اخلي هالشي يغلبني او يهزمني انا لو ابي الطلاق بيكون هذا قرار نابع من قناعة مو ردة فعل لزواجه
عندي سؤال.
متابعة النقاش، صفحة 7