التجمع الحادي عشر لمواليد نوفمبر & ديسمبر 🔹2019 🔹

وانا بعد حمل انابيب بعد تاخر الحمل 6سنوات ..
سويتها 4 مرات والحمدلله ربي اكرمني .. بس خايفه من الولاده ومااعرف اي مستشفى ابدأ معاه متابعة الحمل والولاده .. يارب انك تسخرلنا عبادك الطيبين الصالحين وتسهل علينا وكل مسلمه ..

لا حبيبتي هذا حملي الثالث
ومجربه الولاده والنفاس وجربت طبيعي وقيصرية
وجربت نفست بشقتي لحالي وكنت والد مبكر وقيصريه وبنتي بالحضانه شهرين وكانت نفسيتي منهاره بنتي بين الحياه والموت وجربت الولاده الثانيه طبيعي عند امي وتأزمت نفسيا كانت حاطتني بالمجلس الخارجي منعزله لحالي لو اموت محد درى عني وانا انظف المكان واعتني بالبيبي لحالي حتى يوم جيت بصبغ شعري قلت لها مسكيها مسكتها ٣ ساعات وجلست تنافخ وكل شوي تجي ماخلصتي يلا سبحي مع ان بنتي هاديه وكل نايمه كانت وطلعت الصبغه غلط قلت بعيدها قال قطع بتخلينا امسك حتى بكره وهونت رحت لزوجي بصبغتي الخربانة وربي أني جلست شهر ولا عمرها مسكت البيبي حتى ٥ دقايق حتى وانا اتروش اسمع بنتي تصيح وبسرعه احاول اخلص واطلع لها وتقول انها حنونه وتحب الأطفال القهر وكل يوم اصيح وأقول لزوجي اخذني تعبت وأهو ملزم اكمل شهر عندها عشان اهله مايتكلمو علينا وأبشرك اطردتني قالت لاعاد تجين تولدين عندي لا انتي ولا خواتك هههههه مع انها ماتسوي شي لي ولا تخدمني الا الغدا تطبخه ولا كل يوم ع حسب مزاجها اما الفطور والعشا زوجي يجيبه من برا
والملابس اعطيهم زوجي يغسلهم
وإذا بيجونا ضيوف أهل زوجي يوم وصديقاتي لان محد يزورها ولا تزور احد امي منقطعه عن العالم المهم انا اللي انظف المكان وكان المكيف خربان وحر موت وقال لي ابوي دخلي داخل بغرفه أختك مو موجوده واهي عصبت وقالت لاا خليك بالمجلس اصلا الطفل يحتر ولا يبرد أزين له الحر
طبعا ممكن تستغربون ليش امي كذا بس امي تكره البنات تتمنى بس جابت أولاد يوم حملت بأختي الأخيرة جلست تصيح وزعلانه وتتمناها تنقلب ولد ولا تطيح مع ان اخواني الأولاد ٦ ومات واحد والبنات بس ٣ وقدام الناس تقول انا اموت بالبنات واضح لا والله واضح
حتى وانا والد عندها في بنتي الثانيه جلست تتكلم وتستنقص البنات وتقول الرجل الشرقي مايفرح بالبنات بس بالأولاد يحس جاب
تفكر يتنكد وانا طايره بالفرح لو اجيب ١٠ بنات والله لأني اسجد شكر لربي اهم شي بيبي بصحه وعافيه وترى كانت تدري أني جايبه انابيب

يعني وضعي كان ازفت من وضعك انا لي حق ادخل الاكتئاب ولا اطلع منه

بس شوفيني مستانسه بحملي الجديد وما افكر بالأشياء السلبية وأحاول اتناسى كل شي يخرب فرحتي وبولد ان شاء الله بشقتي هالمره

تابعي في اثنين مستشفى حكومي وخاص لانه حمل عزيز ماتقدري تعتمدي ع دكتوره وحده
حملي الاول كنت اتابع بس خاص وكانت الحركه قليله وماء الجنين قليل وكل احس نفسي مبلله تنزل دفعات والدكتوره تقول لانك ماتاكلي وعادي افرازات مائيه ذي وانا أصدقها بكريه ايش عرفني

و قلت خل اروح طوارئ حكومي اتطمن ولا وينفجعون ليش ماجيتي من زمان الماء ناقص والنبض ضعيف يعني لو مارحت كانت بنتي ماتت في بطني بسبب هالدكتوره اللي اتابع عندها عديمه المسؤوليه وكانت معروفه المشكله

عشان كذا اقول الأفضل تراجعي مكانين احتياط لانه حمل عزيز ولانك بكريه

صباح الخير
اخباركم صبايا
ومبروووك التجمع الجديد والله يجعله تجمع خير وبركه
والله يعطيك العافيه أكتفي




من زمان عند التجمع مالي نفس ف شي حاسه بضيقه وماابغى اسمع صوت لازوجي ولا اولادي ولا ابغى اطلع من البيت
اول مره تجيني من يوم حملت
والحمدلله دخلت الشهر الخامس والله يعدي بقية الشهور
وان شاءالله مراجعتي هذا الشهر اعرف الجنس مع ان احساسي ولد وزوجي وعيالي يقولون بنت

صباح الخيرات
أعتذر أرد متأخر بس لأنه مسجلة جديد فعدد المشاركات باليوم عندي محدود
الحمد لله عندي ولدين وبنتين عشان كذا مافارق معي موضوع جنس البيبي أهم شي يجي بصحة وعافية