السالفه ومافيها ياحلوات ان بنتي من يومين طاحت على جبهتها في المول
الله يهديها بغت تنط من عربيتها وطاحت ( شقااااوه تجلللط وتجيب الصمرقع )
طبعا انتفخت وجعرمت وتورمت جبهتها وكل الوان الطيف فيها
جرري دبرنا لها ثلج ومع صياح ونياح وعويل وصريخ يشلع الكبد
وعلى اقرب مستشفى طوارئ
المهم هناك قابلت حرمتين
قبل لا يكلمني اشوفهن يساسرن بعض
واضح اللي يتكلم فيك
وقالن لي بنتك طاحت
وقلت ايوه
قالن نعلمك بدواء الطيحه
ترى وحده بوحده ومايخلي لها اثر
عاد انا مدربيه راسي استنى ينطقن بالمعجزه
الااااااا وقالن لي نصيحه خلت راسي يبرم برم
وعيوني تقلب
معقووله وش ذا ياعرب
وش الفكره
وكيف طبت عليكم
وقعدت اسمي بالرحمن
واقولهن ياحريم انتن وش تقولن
شي ولا عمري خطر على بالي
بعقولكن انتن
وش الحكمه طيب
المهم كني هذرت واجد
والوكاد تبغن الزبده هههههههههههههههه
يقولن بداية الطيحه فكي شعرك وافركي المكان المنفوخ وانهن مجربات مع عيالهن
وانه يروح طوالي
واللي دلتهن عليه شغاله اندنوسيه
بالله عليكن احد مر عليه كذا ؟؟؟؟؟
( دوالين عمسه )
لا يقولي ترجمي مابين الاقواس خخخخخ
لانها صعععبه الترجمه ههههههههههه
شاركي في النقاش
سجلي الدخول لإضافة تعليق.
التعليقات
52- ههههههههه من اغرب ماقرئت😐
طيب جربتي والا لا😂😂
والف سلامة جعل بنتك ماتشوف شر💜 - وش اجرب يا ام هند شي مايدحدر مع البلعوم ولا ينبلع
لااااا وبعد قالن فايدته اول الطيحه وبعدين ماينفع هههههههههه - ههههههههه
حلوة طريقك سردك للسالفة
حنا نفرك مكان الطيحة بيدنا و نضغطة لجل يدخل المكان و ما يورم
و صديقتي تقولي يجيبون نص ريال و يحطونة ع المكان و يضغطونة
و كلن على عادتة - ايه افركي بشويش مكان الضربة او الطيحه أنا دايم كذا اسوي
- وين احط نص ريال
الشق اوسع من الرقعه
الجبهه كلها منتفخه
كنها قارصتها نحله
مواضيع مشابهة
تابعي تجارب أخرى من هذا القسم.