نبي مواقف ايجابيه بين الازواج

ياالله وش هالمواقف الحلوه كملوا خلونا نستمتع
الله يسعدك ياواتساب قد ماضحكتيني وتضحكيني دايم بس احسن مافي هالموضوع رومنسيتك بالبر ياوضحى ونمر وهوشة عيالك بالسياره الحمدلله وانا من مواضيعك كنت فاهمه عندك ولد واحد بس وعمر عشر دايم اشيل هم انه وحيد بس الحمدلله طلعتوا عائله ربي يحفظكم لبعض

اذكر ابوي وامي يوم كنا صغار كانوا يبون يعلمونا ان الشكر والتقدير والأحترام مهم في كل شي كان بابا يقول لأمي إذا طبخت مشكوره تسلم يدينك الغدا لذيذ مثل م احنا متعودين عليه وكذا يعني كل الأطراف محترمه ومقدره وشاكره لبعضهم البعض عاد هذا الي اشوفه انا اما في داخل النفوس الله اعلم عاد 😂

انتي ملخبطه بينها وبين جورجيو ارماني

الموضوع حلو بس مو حاضرني موقف

زوجي لو اوصف من الان الى بكره ماوفيته حقه من المدح حب وطيبه ورومانسيه ونخوة وفزعه وكل صفة زينة موجودة فيه
لكن






لكن






لكن فيه صفة وحدة نسفت كل ايجابياته وخلته بنظري اسوأ زوج في الكون


تزوج علي زوجة ثانية وبنفس السنة تزوج زوجة ثالثة يقال له بيرضيني وبيرد اعتباري ويطفي حرتي ويشربها من نفس الكأس وشافني مارضيت طلق الثانية واجبرته يرجعها لانه طلقها ارضاء لي وانا اخاف من ربي عندي بنات والايام تدور وانا ماارضى الظلم حتى لو على ضرتي


والمضحك في الامر ان اغلب الصفات الايجابية ماظهرت الا بعد زواجه
والان يدور رضاي لكن النفس طااااابت
كل ماقال شي قلت هذااااك اول


يحلف لي ان مافيه بالحريم مثلي قلت وين هذا الكلام اول الحب افعال وليس اقوال
مع العلم انه عادل بل مايل معي بقوة لكن انا ماارضى بالظلم لاجلي واخاف من ربي وقايمة بكل حقوقة وشايلته على كفوف الراحة ولا ارضى ان احد يغلط عليه وفارضة احترامه على اللي حولي واولهم عيالنا


لكن شي بالخاطر مايبرده شي
مثل الزجاجة اذا انكسرت ماترجع