يمنعوني من الخروج !!!

ياربي
لازم تغيري تفكيرك
ما معقولة إن الدين يعطي الرجل الغطاء الشرعي لحبس المرأة
طيب إيش يفرق السجن عن البيت
طيب تعرفي ليش اللي عندهم كلاب لازم يطلعوها نزهة يومياً؟ لأنها تصير متوحشة لما تنسجن بالبيت
حتى عائض القرني طلع واعتذر من السعوديين عن الفتاوى المتشددة اللي مالها داعي خلال السنوات الماضية
الحياة حلوة، حتى العلاقات الاجتماعية تتجدد بتحسن النفسية

فيه ناس يغضبون من المنكر و ينكرون المنكر..
وفيه ناس يغضبون من المعروف و ينكرون المعروف!!
ما اعجبك لا تردين
ما احد مجبرك
او ملزمك
القران موجود من زمان
ما اجبر احد القران والايات ترى ما تجبرك على شيء ابدا
ولا كائن من كان يجبرك على اي شيء !!
لكن لكل شي حقه وتفصيله !!
اما الاتهامات
فحسبي الله وكفى
تطاول
و اتهامات
وكل شيء
ترى الموضوع اطلع عليه فوق ٣٠٠٠ و الردود فقط ٤٧
انا اكتب للجميع ليس لك انتي اللي عصبتي
اطلعي وتمشي و اعملي ما تشاءين فلن يجبرك احد!!
هي اية قرأتها واحاديث موجودة في تفسير ابن كثير لهذه الاية..
اعجبتك ولا ما اعجبتك مو شغلي ..
و ترى حتى شرح الاية والاحاديث من التفسير ..
و لا تجين تنزلين ايات اخرى يعني تردين ع الاية!!
ترى القران كله من الله
القرآن ما يناقض بعضه
حتى تتركي هذه الاية وتردي بآية اخرى !!
اما من قالت انها خاصة بنساء النبي
فرجعت للتفاسير
الاية نزلت كسبب نزول بنساء النبي وهي خاصة لعموم المسلمين
فالعبره بعموم اللفظ لا بخصوص السبب!!
و رجاءي للي كتبوا و ردوا خلاص عرفنا ردكم
ولست بصدد ارد واجادل في الايات
انما هي ايه قرأتها وعلمت اننا بعيدين عنها
والهتنا الدنيا عن تطبيقها
فرجعت للتفسير وقرأتها وبحثت فيها
و علمت معناها و تأويلاتها ..
حسستوني اني ماسكة الباب وجالسة ادف فيكم
لا احد يطلع يا ويلكم
هههههههههه
اطلعوا مالي شغل عصبتوا علي و رميتوني بالاتهامات والسخرية !!
و لا احلل واحدة كتبت وسخرت و اتهمت بغير وجه حق ..

يا بنات الله يصلحكم ليش. زعلانين كلامها صح واليوم اصبح القابض علي دينه مثل القابض علي آلجمر ه هذا كلام رب العالمين ماهو كلامها من اول كانت المراه تروح بسكات تقضي حوائجها ولزومها واليوم تتباهي بالمشاوير. علي غير سنع الله يهديكم المفروض كلنا نفرح إذا شفنا من يحثنا علي تقرب الي الله ليش اصبح البيت اليوم معدوم من أي مشاركه ك تعليم الصلاة ،الحجاب والقران. المناقشه الاسريه وجلوس الأب معا عياله وتعليمهم الصلاة في المسجد حضور معه مجالس الرجال لانه اصبح فكر الأم والاب خارج البيت اسواق مجمعات شاليهات تمشيات طيب أين وقت التربية أين وقت الترفيه الاسره الي كنا نفرح فيه اول . اليوم بخروج الأم والأب المتكرر انعكس عليهما الجيل اعجز ان اكتب عن سلبياته

الموضوع بيكون موضوع اي زوجة واعية
واي بنت واعية .. شافت ان مجاراة البنات ماله حد ..
واي ام واعية لها بنات كبار وعاشت وشافت وجربت بالحياة!!
وكل يوم يطلعون ويسافرون
وكبروا البنات و صاروا يطالبون بالطلعة و يعتبرونه حق من حقوقهم!!
و ماتكفيهم طلعه بالاسبوع
وبقية الايام يقولون وش نسوي جالسين في البيت !!
ويشوفون سناب ويقولون حنا محبوسين!!!
اذا شافت بناتها ماعاد يبون يجلسون بالبيت ويعتبرونه سجن ..

ومن يقومون الصباح يطالبونها كل يوم بطلعه عشان يصورون ويتباهون بأكل و يتباهون بالمطاعم ويتنافسون ع كثرة الخروج والاماكن
وقتها تندم الام انها ما عودت بناتها يحبون بيتهم ويجلسون !!
اتعجب من الام اللي يوميا تطلع
تعودوا البنات ع كلمة طفشانه زهقانه حياتنا مهي حياة
جيل البنات متذممر

لكن لو تشوف الوحدة وش امنيات المرأة الي انحرمت من بيت وسكن واسرة
وش بتقول !!
الاسرة عمودها الاب والام !!
انتي التي تضعين قوانين الاسرة !!
وحدة من صديقاتي بناتها بالمتوسط مقهورين يقولون بنطلع مع زميلاتنا لمطعم او لكوفي ..
تطلع معهم غصب عنها ، لو هي تعبانه لانهم طالعين طالعين الله لا يعوق بشر!!
وتجلس في مكان لحالها لان بناتها يرفضون تجلس معهم عشان مايتفشلون !!
زوجك ع ماعودتيه وابنك ع ماربيتيه!!
بدال ما نربي بناتنا ع كيف يبروننا و يبرون اباءهم و يحترمونهم!!
كيف يطلبون حاجتهم ويصيرون يستحون ويحسبون الف حساب قبل يطلبون الطلب!!
صار الاب والام هم يبرون ابناءهم ..
انعكس الموازين !!
الدين لا يأمر الا بما فيه صلاح واصلاح للمؤمنين !!

انامعك


فيه نقطه خروج البنات المراهقات مع صديقاتهم
هاذي ارفضهارفض بات
اماخروجهم مع امهم
مااشوف لهااي داعي للرفض
على حسب العمراتوقع
والخروج للاسواق بتبرج مب زين يطمع ضعاف النفوس المسعوره