أجهضت وابي مساعدتكم

السلام عليكم

بنات احس اني مب عارفه شلون ابتدي قصة حملي طويله
المهم يوم الخميس اللي هو تاريخ 4/7/2019 رحت العياده بسوي تحاليل لاني كنت بسوي عملية أطفال انابيب بعد ثلاث شهور اذا ربي راد ومن ضمن التحاليل هرمون الحمل وكنت شبة متاكدة مافيه حمل لان بناتي جبتهم بعلاج حقن مجهري وقلت للدكتوره مب ضروري هالتحليل قالت ماتدرين المهم أنل دورتي كانت المفروض السبت يوم الجمعه نزل علي دم الله يعزكم قلت الدوره قدمت يوم واستمر نزول الدم جيت يوم الأحد بأخذ النتيجه طلع الدم نازل فيتامين d نازل والبوتاسيوم نازل والباقي تمام الحمدلله قالت لي مافيه حمل نسبة الهرمون 4 فقط قلت ايه الدوره أصلاً جات
وجاء يوم الاثنين مافيه شي نظفت والدم اللي كان ينزل دم خفيف خفت يكون سن يأس استغفر الله شربت حليب مع فلفل اسود علشان تنزل مانزلت يوم الثلاثاء سويت تحليل منزلي طلع لي خطين واضحة اليوم اللي بعده اللي هو الأربعاء سويت هرموني طلع 133 وعدته يوم الجمعه طلع 468 ورحت خذيت إبرة مثبت وبعدها جاني الم فظيع ونزل علي دم كثير رحت الطوارئ سوت لي تحليل طلع الهرمون نازل 350 طلعت من عندهم اليوم الصبح قالت تعالي الثلاثاء نشوف الهرمون اذا نزل اللحين ابي اشرب شي ينزل اللي رحمي بس خايفه عادي اشرب ولا ممكن يضرني
وهل ممكن يكون حمل خارج الرحم لو مانزل الهرمون لين يوم الثلاثاء

دعواتكم لي الله يصبرني هذا ثالث حمل طبيعي أجهضه وبناتي بعلاج سبحان الله ربي تمم لي حملهم

30 تعليق 4,375 مشاهدة

شاركي في النقاش

سجلي الدخول لإضافة تعليق.

التعليقات

30
  1. @am_zoyd_1

    حبيبتي ربي يعوض عليج ان شاء الله
    انا ف العاده اشرب منقوع اللبان الذكر اذا ما متاكده انه اجهاض
    وفي حالة الاجهاض كف مريم
    بس عشان الهرمون ف المستشفى يعطون ابره تنزله اذا كان خارج الرحم عن تجربة صديقتي
  2. @mslm_28

    اختي ام سعد الله يكتب اجرك
    بس انتي بالاسبوع الخامس روحي تاكدي يمكن الكيس مازال موجود انتبهي تاخذين شي
    ولايمكن توام نزل واحد وواحد لسى
    الله يرزقك الصحه والعافيه وان كان اجهاض فالله يعوضك بتوام ذكور سليمين معافين
  3. @ronk_algmal

    اختي الله يعوضك يارب
    شوفي افضل شي ينظف الرحم من والي والهرمون نسبته راح تنزل ومايخلي بقايا للحمل ابداا
    كل صباح خذي ملعقة كمون مطحون واشربي وراها كاس كمون مغلي محلا باالعسل ..
    طبعا مره في اليوم او مرتين صبحج ومساء ولمدة اسبوع فقط
  4. @mslm_28

    رونق الجمال
    اختي الله يعوضك يارب شوفي افضل شي ينظف الرحم من والي والهرمون نسبته راح تنزل ومايخلي بقايا للحمل ابداا كل صباح خذي ملعقة كمون مطحون واشربي وراها كاس كمون مغلي محلا باالعسل .. طبعا مره في اليوم او مرتين صبحج ومساء ولمدة اسبوع فقط
    اختي رونق شوفي الخاص لو تكرمتي

تابعي تجارب أخرى من هذا القسم.