السلام عليكم
اهلين بببنات حواااااااء القماري
انا عضوة جديدة ودي أول مشاركة لي ..طبعا اشتركت بعد ما شفت دا الموضوع وحسيت انكم بحاجة لمعلومات عن اليوكو وناس جربو اليوكو...
طبعا محدثتكم شعرها ما يعلم بيه الا الله ..والله شعري حالته حالة جاااااااااف ومقصف وباهت وميت مافيه حيوية أبدا..وفوق دا كله مرة مجعد..طبعا سمعت باليوكو كتير وقررت أسويه عشان أريح راسي ..
سويت بحث في النت ودخلت على موقع اليوكو الياباني وشفت شكل الفرد وطمنت..
بعد كدا سويت بحث في النت عن المراكز اللي في جدة تعمله..ولقيت فقط محلين: منـــا سنتر و سالما سنتر بعد كدا توكلت على الله واستخرت وكنت مرة متحمسة ومرتاحة الحمدلله..
ورحت على منا سنتر في جدة في شارع أبو الخيل... وسويت موعد وسألت..وطبعا لقييت ناس بالهببببل يحجزوا ..والله مرة تحمست ..
تاني يوم رحت وسويت الفرد وطبعا شفت شكل العلبة لقيت نفس اللي لقيتها في الموقع الياباني تماااااااااما مرة انبسطت وطمنت...
والحمدلله سويته في شهر 3 هجري ..يعني دحين لي اكثر من 7 شهور ..والله يا بنات لو اوصف لكم الراحة والتغييير اللي صار في شعري شي يجنننننن ماشاء الله..ثقتي بنفسي حتى زادت ...
خليني اجاوب عالاسئلة عشان يوضح أكثر ....
كيف كان شعرك وكيف صار من ناحية النعومة ؟
شعري كان مبهت ..جاف مقصف معدوم ..مصبوغ.. مافيه روووح
صار يجننننننن ماشاء الله ما كأنه شعري ..
كم لك الحين فاردته ؟ وهل تغير في الفرد شي ؟
لي 7 شهور ...وطبعا تغير له تقريبا شهر ..بدأ يطلع الشعر الجديد ..بس اللي تحت لسة مفرود..يعني يبغى له إعادة جذور ..بس للاسف دحين انا في أمريكا ومستنية اليوم اللي اروح فيه السعودية وجرررري عالصالون
هل حسيتي ان شعرك تاثر بالفرد من ناحية هل ضره ؟ والا شعرك هو هو ماتغير ؟ سواء اثناء فترة فرده او بعد ماانتهت الفتره ؟
شعري ما ضرر الحمدلله بالعكس صار ناااااااعم ومريح وفيه لمعه تجننن..بس دحين بدأ يبان الفرق بين الشعر الجديد اللي قدام والشعر المفرود
هل تقدرين تتحكمين بشعرك يعني تقدرين تلفلفينه وتجعدينه ولا دايم ستريت ؟
طبعا تقدري تسوي اللي تبينه وتتحكمي بيه
وهل اطرافه واقفه والا تحسين انها طبيعيه ؟
أطرافه كانت طبيعيه بس بعد 6 شعور بدأ توقف..والكوافيرة قالت مدته فقط 6 شهور وبعدين يبغى لك إعادة جذوور
معروف انهم يعطونك برنامج خاص تمشين عليه من شامبو وحمام زيت ومادري وشو .. هل لازم اتقيد بالي يعطوني ؟؟؟؟ ولو استخدمت زيوت او خلطات واو ماسكات لشعري بيأثر على الفرد او على الشعر ؟
صراحة ما أعطوني شي.. قالو لي في ماسك لو بدي اشتريه بس انا مشتريته..وسالت الكوافيرة قالت تقدري تحطي زيوت وكل شي الا الحننننا ..
يااااااااااااارب يا بنات تكووونو استفدتو من تجربتي ..تحياتي لكم
الي جربت فرد اليوكو الكيراتين تدخل
متابعة النقاش، صفحة 3