طلعت كل اللي شايلته على زوجي .......بس.......

السلام عليكم اخواتي ... مشكلتي مع زوجي صارت قبل كم يوم
وتصير لي دائما وهي انو كل ماطلعت مع زوجي مكان عام وعصب يصرخ علي ويحرجني امام الكل
هو عصبي بس يرضى بسرعه ولا كانه سوى شي
المهم انا دايما اترجاه يسكت ولا يفضحنا يقوم يزيد ويقول اتركيني افضفض اخر شي اروح امشي واخليه بمكانه بس ابيه يسكت
اخر مره سواها هي انفجار البركان اللي فيني ...استنيت لين رحنا للسياره ووطلعت اللي بقلبي وقلت يلللا الحين وريني شطارتك والا بس قدام الناس؟؟
وبكيت وصرررررررررخت بصوت عااالي والله احس زي القنبله بصدري انفجرت
المهم جلسنا بعدها يومين مانتكلم لين طفشت ورحت له وطلعت الباقي ووقلت كل عيوبه اللي كانت تضايقني من اول وانه مثل الطفل لازم اهديه وانه ظالمني لاني انا ساكته واتغاضى عنه
وبخيل واناني ومستغل اني ماخبر اهلي باي شي يحصل لنا وووووو
المشكله هنا ...انو هو انصدددددم وجا تأسف مني وبعد شوي جلست جنبه وقلت له مو مهم عندي الاسف قد ماهو مهم اننا نتجنب اخطائنا سواء انا والا هو
شوي الا هو يبكي جنبي ....انا ندمت مررره قلت له ليه قال ماتوقعت انك شايله علي لهالدرجه
قلت له انو لما تسوي فيني كذا قدام الناس احسك تكرهني وتهين كرامتي
الحين يابنات ساعدوني احس زوجي اخذ موقف مني وصارت نضرته لي غير هل انا غلطانه والا لا
انا والله العظيم والكل يشهد انسانه هاديه لابعد الحدود وماحب المشاكل واحب زوجي بس ..
الظاهر من كثر الكتمان والسكوت انفجرت وقلت اللي ماينقال
ابي اتاكد ان زوجي لسا يحبني واصلح خطئي وفي نفس الوقت مابيه يرجع يصرخ علي بالاسواق

25 تعليق 4,238 مشاهدة

شاركي في النقاش

سجلي الدخول لإضافة تعليق.

التعليقات

20
  1. @am_mshaal12

    الله يعينك ان شاءالله بس مااعتقد انه شايل عليك ,بالعكس دامه جا وبكا عندك اكيد انه حس بغلطته
    والله يهدي اللي بينكم ويخليكم لبعض .
  2. @fortk

    اختي انتي بردتي حرتج وخليتي النقاط على الحروف
    واحسن شي انج صارحتيه وطلعتي كلا اللي في قلبج ان الكبت يولد الانفجار
    علشان يقدرج ويحسب على الكلمه قبل ما تطلع الف حساب
    ولازم المصارحه بين الزوجين
  3. @hrof_mshaks

    بالعكس حبيبتي عين العقل اللي سويتيه

    ومافي احسن من الصراحه بين الزوجين

    بس كان بلاش صراخ وتفاهمتي بهدوء في السيارة

    انا ماحب اسلوب الصراخ وخاصة من الزوجه

    بس الانسان له طاقه وحد وانتي وصلتي حدك معاه وانفجرتي

    الله يوفقك ويهدي زوجك
  4. صاحبة الموضوع
    ام مشعل الله يسمع مك انشاء الله ومشكوره حبيبتي
    فورتك انا بالفعل اللي صار لي بسبب الكبت ولا هذا مو طبعي ابدا مشكوره حبيبتي
    انا وياكم تسلمين حبيبتي الله يحفظنا من الامراض والله انك صادقه
    حروف مشاكسه والله غصب عني والدليل اني الحين ندمانه مره بس الله يسمع منك حبيبتي
  5. @amptlfon_khrban_amp

    انا مع الاخوات اللي قبل ولا انتي غلطانه ولا شي

    وشيلي احساسك بالذنب هو ما حس بالذنب وهو يهاوشك وينكد عليك كل ما طلعتوا !!

تابعي تجارب أخرى من هذا القسم.