انا هذا اول حمل لي .. كنّا ننتظر هالحمل
انو خلصنا سنه .. الشهر الاول بعد السنة تأخرت الدوره و كنت اتمنى الحمل .. لدرجة توهمت 😅 و رحنا جبنا التحليل .. بس ما الله كتب 😢♥️
و رحت لدكتوره .. و سوت لي سونار و شافت البويضات عندي ، و فجعتني تقول مره صغيره و مستحيل يصير حمل! و انتِ لازم تاخذين حبوب تكيس ليم يقولون حامل! و كانت مره هجومية و كانت تضحك علينا انو كيف تبون حمل و كذا حجم البويضات؟ مره زعلنا و اتذكر ذاك اليوم بكيت ليم نمت كنت مقهوره من كلامها و طريقتها برضو
و بعدها ب اسبوعين جاء رمضان و رحت للأهلي انو دوامه ضغط .. و كنت عادي و اروح السوق مع خواتي و امشي مشي! و كنت انظف معهم البيت و اشيل اثاث ما كان ببالي شي .. و باقي ع موعد الدوره
ف جاء وقتها و حسيت ب الم الدوره عادي و نزل علي دم خفيف و ما ادري اذا يعتبر دم اصلاً ..
و عبالي دوره محتبسه ، حتى أفطرت وقتها
حسيت الموضوع طول اسبوع ع هالحال .. قلت مو معقولة دوره! و تركت الحبوب احتياط " سبحان الله قلبي كان حاس" و رحت جبت تحليل .. و حللت طلع خطين!! 😭
و مو مصدقه انتظرت الصباح و سويت ثاني .. و خطين! ناديت اختي الكبيره .. قلت لها شنو ذا؟؟؟؟
مره فرحانه و مو متاكده من كلام الدكتورة انو ما اخذ اسبوعين الدواء و انا بعيدة عن زوجي .. ف كيف؟ 😰
و بنهاية رمضان رحت حللت دم و طلع موجب!♥️♥️ و انتظرت العيد و فرحت زوجي
توحمت ع شيبسات بين فترة و الثانية ملح و خل و حار .. و السلطة الحامضه نزل وزني يمكن اربعه كيلو .. كنت فرحانه و زعلانه عشان تغذية البيبي
بس الحين الحمدلله
ما بين جنس البيبي باقي بس احسو ولد ، لكن كلهم حلوين الله يجيبهم بصحه و عافية 🙏🏻♥️
التجمع الرابع لمواليد يناير & فبراير 2020 👼🏼🤰🏻
متابعة النقاش، صفحة 156
