تباشيــ ١٠ـر لمواليد ( يوليـ ٧ـو )(اغسطـ٨ـس ) ٢٠١٩ 🤱🏻👶🏻🎊

حلو فهمتي علي 🌚😂

مساء الخيرات
وشكرًا للي سأل وبارك
الله يبارك فيكم ويخليكم ويرزقكم الولادة السهله ❤️
بما إن النتفه ما نامت ولا خلتني انوم ابسولف معكم شوي واقولكم وش صار معي قبل الولادة .. واجاوب على سؤال كم وحدة من الأخوات هنا ..


في البدايه الولادة تيسير من الله لو مهما سويتي و فعلتي مالك غير المقسوم ❤️ و بعلمكم وش اقصد
انا قلت لكم ان الثلاثاء اللي هو امس عندي موعد بيشوفون وش انا عليه و ممكن اني اخذ طلق صناعي اذا الرحم فاتح اكثر


اللي صار دخلت وقالت لي الدكتورة بالحرف الواحد ان الجنين متختخ 😂 ووزنه فوق الثلاثة كيلو ومعك فرصه يومين للولادة الطبيعية 💔😭
امنا بالله قلت الحمدلله
قال يالله افحصك اشوف وضعك فحصت طلع نفس الشيء من اسبوع ٢ سم فقط والعنق باقي قاسي 😭
قالت ابسوي لك تحريض وإن شاء ولادتك على بكرة ( اللي هو الاربعاء اليوم ) الصراحة ما صدقتها وقلت ماعندها سالفه وحاطة براسي اجيهم واسوي عمليه وارتاااااااااح ..
المهم طلعت من عندها على تسع الليل وطول الوقت احس بـ مغص نفس مغص الدورة بالضبط قلت مايخالف بيروح زي كل مرة
رجعت البيت والآلم كلما له يزيد ! قلت معقوله طلق ولا زي دايم المهم صرت امشي بغرفتي واخذ شاور بماء اقرب للحار
وانسدح ابي انام لأني صدق مانمت والآلم باقي
وطول الوقت زوجي يقول يابنت خل نروح واقوله لا زي دايم وبيروح
المهم جت الساعه ٣ الا الفجر الا خلاص ماعاد اقدر التقلص انتظم والم ما اتحمله هنا 😭 وجلست ابكي اي والله يابنات بكيت الحمدلله فرجت ابكي وادعي ان ربي ييسرها واخلص انا وبنتي بالسلامة
وصلت المستشفى مع اذان الفجر و ولدت الساعه ٤وربع بالضبط
اللهم لك الحمد والشكر ❤️
قعدت يمكن ساعتين عقب الولادة استوعب واقول انا خلصت ولا جالسة احلم 😭😭

كل اللي سويته اني كنت ادعي ربي بالولادة السهله
لأنها فعلًا تسهلت صح اني جيتهم خلاص وانا احس بالدفع ويادوب لبسوني الروب حقهم رحمني ربي وانا بين يدينهم ..
كنت اقرأ سورة مريم والزلزله
وامسح على بطني بزيت زيتون انا قاريه فيه الرقيه
ما كنت اكل شيء ولا اشرب شيء معين
ولا كنت امشي زيكم ماشاء الله مع ان الدكتورة كانت تقولي لو تمشين ممكن يفتح معك وتولدين مبكر
انصحكم بالتحريض لأنه نفعني وترى ما يألم ابد اصلا ما دريت انها سوت الا يوم قالت لي عقب ما خلصت😂
والعلاقة الحميمه لا تستهينون فيها ترى مفعولها عجيب
واكثروا من الاستغفار بنيه التسهيل والحوقله 💗

في وحدة سألت عن مستشفى اليمامة كيف وضعه ناسيه مين بالضبط اعذريني
المستشفى امانة رائع 👍🏻 متطور ومتحسن كثير بحسب تجارب ناس غيري
يراعونك ويهتمون فيك حتى بأدق التفاصيل
الدكاترة فيه كويسه من تجربتي ( انا اراجعه للتخطيط والولادة فقط )
و وحدة سألتني كم يوم مطوفة
مطوفة ٦ ايام بالضبط 💔😭
وفرجت الحمدلله ..

ومبروك التباشير العاشر يارب يطرح فيه بركته ونسمع تباشير تشرح الخاطر يارب من غير شر ❤️❤️❤️😭
يعطيك العافيه بسكوته❤️