تباشيــ ١٠ـر لمواليد ( يوليـ ٧ـو )(اغسطـ٨ـس ) ٢٠١٩ 🤱🏻👶🏻🎊

ماشاءالله تبارك الرحمن
الف الف الحمدلله ع سلامة كل من ولد مبروك ماجاكم حبايبي 😍🎉🎉🎉🎉
ياسميه حبيبتي الف الحمدلله ع سلامتك يا رفيقه الحمل ♥️

اكشن ولادتي 🙆🏻‍♀️🙋🏻‍♀️
زي ماقلتلكم يوم الاثنين كان المفروض اروح الطوارئ واقولهم اني مطوفه زي ماقالتلي الدكتورة، ولو فاكرين تعب عليا ولدي وقلت خلاص ماحروح الاثنين بروح الثلاثاء، الا اشوف وادي حبيبي سخونتو جالسه تزيد قلت خلاص اروح الاثنين الصباح المستشفى وأخذ ولدي معايا اول شي اعدي فيه الطوارئ واتطمن عليه بعدين اعدي اشوف وضعي وفعلا رحنا المستشفى وانا مجهزه كل شي شنطتي واغراضي قلت لو مسكوني تنويم وطلق صناعي اكون جاهزه، عديت ع طوارئ الأطفال وتطمنت ع ولدي انها حرارة عاديه بسبب التهاب حلق وخلصت منو ورحت اشوف نفسي كشفت عليا سونار وقالت كل شي تمام وحسويلك تحريض ولك مهله ٤ ايام اذا ماولدتي تعالي الطوارئ وسوتلي التحريض😪😪😪😪 صراحة كان مؤلم انا اتألم وهيا تقولي معليش راح تدعيلي تحملي معليش خلصنا وجيت طالعه قالو تعالي نقيس الضغط قاسوه مرا ومرتين طلع مرتفع رجعو طلبو مني عينه بول الله يكرمكم عشان يشوفو لو في زلال حمل او لا واعطيتهم العينه وجلست انتظر الا شويات نادوني قالتلي كانت الخطه مرجعك بيتك وتجلسي كحد أقصى ٤ ايام بس الخطه تغيرت ضغطت مرتفع والعينه تقول عندك زلال حمل لازم تجلسي تحت الملاحظة وتوقعي ف حال مانزل الضغط ابدا ومافي مجال الطلق الصناعي تتحول لعمليه قيصريه عند الضرورة 😔😔
قلتلها خلاص تمام بس ابغا اطلع وارجع لان معايا ولدي متأكده ماراح يطلع مع امي بيجننهم ويبكي ويبكي وهوا تعبان بيزيد النكد قالت براحتك بس توقعي ع مسؤليتك ووقعت وطلعت 🤷🏻‍♀️🤷🏻‍♀️

فعلاً كان تباشير حلو وحماسي

مكتوب سبحان الله ما اطلع من البيت إلا وانا واصله

على حسب بس ما تنتظرين واجد ويدخلونك

وفعلا خلصت أمور ولدي وفهمتو واقنعتو اني بر ح اجيب اختو واقتنع ورجعت المستشفى وع طول دخلوني ع قسم التنويم بس تحت ف كشك الولادة ورجعو قاسو الضغط طلع عادي طبيعي ونازل واموري تمام قاسوه كمان مرا ثانيه ونفس الشي طبيعي 😑 طلبو عينه بول واعطيتهم طلعت انو مافي زلال ولاشي 🤨
جاتني دكتورة زي العسل قالتلي امورك كلها تمام نزل عليك مويا دم شي قلتلها لا قالت اجل بكتبلك خر ج خلاص ووقت ماينزل عليك شي او تزيد الآلام تعالي صراحه ممرا فرحت ع اني كنت ابغا اولد ورجعت قالت بس لازم افحصك اول قبل تطلعي، وفحصتني 😯😯😯😯😯😯😯😯😯
قالتلي خروج ايش الرحم مفتوح ٥ ونص ماشاء الله 🙆🏻‍♀️
وهنا بدا الرعب عندي قالتلي ماراح استعجل عليك بآلطلق الصناعي بفك المويا وبإذن الله يجي الطلق وفعلا جلست ش يا وفكتلي المويا وبدأ الطلق يزيد ويزيد هذا الكلام ع ٤ العصر وشويا جات تقيس حصلت الرحم ٧ وكل مالو الطلق يزيد لما خلاص حسيت بدف قوي قوي وجات الدكتورا ويارب لك الحمد يمكن ١٠ دقايق او ربع ساعة وولدت 🥺🥺🥺🥺🥺🥺🥺